Salmo 40:12 - Marahay na Bareta Biblia

¹² Napapalibotan ako nin dai mabilang na karatan. Inabot na ako kan sakong mga kasalan, asin dai na ako nakakamaan. Mas dakul sinda ki sa buhok kan sakong payo, kaya pinanluluya an sakong puso.

Salmo 40:12 ပူးပေါင်းရင်းမြစ်များ

Genesis 42:28

“Inuli an kwarta ko; uya sa ibabaw kan mais!” an sabi niya sa saiyang mga tugang. Tinakigan sinda asin tarakot na nag-orolay, “Ano ining ginibo nin Dios sa sato?”

Salmo 116:3

Napalibotan ako kan mga siod nin kagadanan; pinugol ako kan kasakitan nin Sheol; napano ako nin takot asin kahandalan.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 38:4

Huli ta nalalamos ako kan sakong mga kasalan; sarong kargang magabat para sako.

Salmo 61:8

Kaya danay akong mag-aawit sa saimong ngaran, mantang inootob ko aroaldaw an sakong panuga.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Salmo 73:26

Pwedeng panluyahon an sakong isip asin hawak, alagad an Dios iyo an sakong kosog; siya sana an kaipuhan ko sagkod lamang.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Lukas 21:26

Madidismayo an mga tawo sa takot sa paghorop-horop kun ano an maabot sa bilog na kinaban, huli ta an mga kapangyarihan sa kalangitan matatanyog.

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.