Salmo 40:10 - Marahay na Bareta Biblia

¹⁰ An bareta nin kaligtasan dai ko tinago para sa sako lamang; ibinareta ko an saimong pagkamaimbod asin kaligtasan! Dai ko tinago sa katiriponan an danay mong pagkamoot asin pagkamaimbod.

Salmo 40:10 ပူးပေါင်းရင်းမြစ်များ

Salmo 22:26

Makakan an mga dukha dangan magkakabarasog. Mag-oomaw sa Kagurangnan an mga naghahanap saiya. Mabuhay logod sinda sagkod lamang!

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Salmo 34:6

Minaapod an dukha, asin sinisimbag nin Kagurangnan; iliniligtas niya sa gabos na kasakitan.

Salmo 75:9

Alagad dai ako maontok sa pagrukyaw kan Dios ni Jacob; maawit ako nin kaomawan sa saiya.

Salmo 89:1

Aawiton ko sagkod pa man an danay mong pagkamoot, Kagurangnan; irurukyaw ko an saimong kaimbodan sa gabos na kapagarakian.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Lukas 3:6

Mahihiling kan gabos na tawo an pagligtas nin Dios!’”

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

1 Tesalonica 1:8

Bako sanang an mensahe dapit sa Dios an nakalakop sa bilog na Macedonia asin Grecia sa paagi nindo, kundi pati an bareta manongod sa saindong pagtubod sa Dios nakaabot man sa manlaen-laen na lugar. Kaya dai na kami kaipuhan na magsabi pa nin anoman,

1 Timoteo 1:15

An kasabihan na ini totoo asin dapat akoon saka tubodon nanggad: na nagdigdi si Cristo Jesus sa kinaban tanganing iligtas an mga parakasala. Ako an pinakamaraot sainda,

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.