Salmo 4:4 - Marahay na Bareta Biblia

⁴ Matakot kamo saiya asin dai magkasala; sa katoninongan maghorophorop kamo sa saindong mga higdaan.

Salmo 4:4 ပူးပေါင်းရင်းမြစ်များ

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 119:161

Mayong dahelan na linalamag ako nin mga prinsipe, alagad ginagalangan ko an saimong mga tataramon.

Salmo 17:6

Namimibi ako saimo, O Dios, huli ta dadangogon mo ako; hilinga ako, hinanyoga an sakong mga tataramon.

Salmo 2:11

Maglingkod kamo na may pagkatakot sa Kagurangnan;

Salmo 3:2

Dakul an minasabi manongod sako: “Dai siya tatabangan nin Dios.”

Salmo 3:4

Minaagrangay ako nin makosog sa Kagurangnan; minasimbag siya hale sa saiyang banal na bulod.

Salmo 33:8

An bilog na daga matakot sa Kagurangnan; matakot saiya an gabos na nag-eerok sa kinaban!

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 63:6

Mantang naghihigda ako, nagigiromdoman taka; bilog na banggi ika sana an sakong iniisip,

Salmo 77:6

Bilog na banggi hinohorophorop ko sa sakong puso, iniisip-isip ko asin hinahapot an sadiri:

Mga Talinhaga 16:17

An dalan kan matanos paharayo sa karatan; an nag-iingat sa paglakaw, nag-iingat man kan saiyang buhay.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 3:7

Dai mo ipaghambog an saimong kadonongan; matakot ka sa Kagurangnan, asin likayan mo an karatan.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Habakkuk 2:20

An Kagurangnan nasa banal niyang Templo; mag-alo an gabos sa atubangan niya.

2 Corinto 13:5

Siyasaton nindo saka hukoman an sadiri nindo, tanganing maaraman nindo kun talagang nabubuhay kamo sa pagtubod. Bakong aram nindo na si Cristo Jesus nasa saindo?—pwera sana kun dai kamo nakapasar sa pagbalo!

Efeso 4:26

Kun maanggot kamo, likayan nindo na magkasala; dai nindo pasolnopon an aldaw na dai pa nahale an saindong kaanggotan.