Salmo 4:2 - Marahay na Bareta Biblia

² Sagkod nuarin nindo ako sosopogon, O mga tawo? Sagkod nuarin nindo mamomotan an mayong halaga, asin hahanapon an kaputikan?

Salmo 4:2 ပူးပေါင်းရင်းမြစ်များ

Salmo 106:20

Ladawan nin baka na doot an kinakakan an isinangle ninda sa kamurawayan nin Dios.

Salmo 14:6

Dai pinapangyari kan mga tampalasan an mga plano kan dukha, alagad an Kagurangnan iyo an saiyang pailihan.

Salmo 2:1

Tadaw ta nag-iisip an mga nasyon nin pagtumang? Tadaw ta nag-iisip an mga tawo nin mayong kamugtakan?

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 31:6

Anggot ka sa mga nagsasamba sa mga dios-dios; alagad sa saimo ako minasarig, Kagurangnan.

Salmo 5:6

An mga putikon saimong ginagadan; an mga tawong paha sa dugo asin madaya saimong isinisikwal.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 58:1

Matanos daw an saindong mga pagboot, kamong mga dios-dios? Matanos daw an hatol na itinatao nindo sa katawohan?

Salmo 58:3

Poon na ipangidam, an mga tampalasan naglalagalag na; putikon na sinda poon pagkamundag.

Salmo 63:11

Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.

Salmo 72:2

Hukoman niya logod sa katanosan an saimong banwaan, asin sa hustisya an saimong mga dukha!

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Isaias 20:5

Dangan panruruluyahon saka magkakamurongnan sinda huli ta ibinugtak ninda an saindang paglaom sa Etiopia asin ipinag-orgulyo ninda an Egipto.

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Isaias 59:4

Minasangat kamo nin kaso, alagad bako man tama an saindong sumbong. An kaputikan iyo an saindong sinasarigan tanganing manggana kamo sa saindong kaso. Pinapadagos nindo an saindong mga plano nganing makulogan an iba.

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Oseas 4:7

“Mantang nagdadakul kamong mga padi, nagdadakul man an saindong kasalan tumang sako, kaya gigibohon kong kasosopgan an saindong kamurawayan.

Jonas 2:8

An mga nagsasamba sa mayong halagang mga ladawan dai nagin tunay na maimbod saimo.

Mga Bilang 14:11

Tinaraman nin Kagurangnan si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Mga Gibo 24:9

An mga Judio na yaon duman nagsabi man na an gabos na sumbong totoo.

1 Corinto 1:31

Kaya siring sa nasusurat, “An boot magpaabaw-abaw, magpaabaw-abaw sa Kagurangnan.”

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

1 Samuel 12:21

Dai kamo magsamba sa mga dios-dios na dai makakatabang o makakaligtas saindo, huli ta bako sinda an totoong Dios.