Salmo 39:6 - Marahay na Bareta Biblia

⁶ totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Salmo 39:6 ပူးပေါင်းရင်းမြစ်များ

An Libro ni Job 14:1

“Gabos kita namundag na maluya asin makaheherak; halipot an mga aldaw kan satong buhay, asin pano nin kasakitan.

An Libro ni Job 7:16

Habo na ako; habo na akong mabuhay pa. Pabayae ako huli ta mayong kahulogan an sakong buhay.

An Libro ni Job 7:7

“Giromdoma, O Dios, na saro sanang hinangos an sakong buhay; haloy nang natapos an sakong kaogmahan.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 144:4

An tawo siring sa sarong hinangos; an saiyang mga aldaw siring sa aninong minaagi.

Salmo 89:48

Siisay an tawong pwedeng mabuhay asin dai nanggad magadan? Siisay an makakaligtas kan saiyang kalag sa kapangyarihan nin lulubngan?

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 23:5

Pwedeng bigla sanang mawara an saimong kwarta, na garo nagkaigwa ini nin mga pakpak saka luminayog paharayo arog kan agila.

Mga Talinhaga 27:24

huli ta an kayamanan dai nagdadanay. Maski an mga nasyon igwa nin kataposan.

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 11:10

Lingawan nindo an anoman na kahandalan nin isip o kulog nin hawak, huli ta dai man mahahaloy an saindong pagkanihoben.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 12:8

Mayo nin halaga, an sabi kan Parahulit. An gabos mayo nin halaga.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Parahulit 2:8

Nagkaigwa man ako nin dakul na plata saka bulawan hale sa mga probinsya na pinaghadean ko. Mga lalaki saka mga babae an nag-awit sa pagpaogma sako; nagkaigwa man ako nin dakul na babae na mawiwilihan nanggad nin siisay man na lalaki.

Parahulit 5:14

Dangan an kwartang iyan nawawara sa negosyo na dai nag-uswag. An kataposan iyo an mayo siyang ikakawalat na pamana sa saiyang mga aki.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Lukas 12:26

Dai ngani nindo nahihimo maski an siring kasadit na bagay, tadaw ta naghahadit pa kamo kan ibang mga bagay?

Lukas 12:29

Kaya dai kamo mahadit o maghanap kan saindong kakakanon o iinomon.

1 Corinto 7:31

an mga tawong may kaipuhan sa kinaban na ini, mamuhay na garo dai sinda nangangaipo kaiyan, huli ta an kinaban na ini mapapara.

Santiago 4:14

Dai ngani nindo aram kun ano an mangyayari sa buhay nindo sa aga! An buhay nindo garo sana alopoop na minatunga sa kadikit na oras dangan napapara.

Santiago 5:3

Tinakla na an saindong bulawan saka plata; an taklang iyan iyo an magigin saksi tumang saindo, saka garo kalayong matunaw kan saindong hawak. Nagparapayaman kamo sa mga huring aldaw na ini.

1 Pedro 1:24

Siring sa sinasabi sa kasuratan, “An gabos na tawo arog kan doot; An gabos nindang kagayonan kaagid sa mga burak kaini. An doot naaalang asin an burak nararakdag,

1 Pedro 5:7

Idusay nindo sa Dios an gabos nindong kahaditan, huli ta nagmamakulog siya saindo.