Salmo 38:6 - Marahay na Bareta Biblia

⁶ Nagkaburuktok ako asin nagkadarapa, bilog na aldaw puso ko nagluluha.

Salmo 38:6 ပူးပေါင်းရင်းမြစ်များ

An Libro ni Job 30:28

Naglalakaw akong mamondo, asin mayong kaalingan; nagtitindog ako sa tahaw nin katiriponan tanganing maghagad nin tabang.

An Libro ni Job 7:5

An sakong hawak pano nin mga ulod saka ati; minamara an sakong kublit; an nana nagdadalihig hale sa sakong mga gatok.

Salmo 107:17

An nagkapira sainda mga lolong, nagtitios huli kan saindang mga kasalan asin huli kan saindang karatan;

Salmo 145:14

Tinatabangan niya an gabos na nasasakitan; binabangon niya an gabos na napapadungkal.

Salmo 31:10

Natatapos an buhay ko sa kamondoan, nauubos an mga taon ko sa inagrangay. Nawawara an kosog ko sa kasakitan, asin nasasayang an gabos kong tolang.

Salmo 35:14

na garo namimibi para sa tugang o katood; naglilibot na nagmomondo, na garo para sa ina ko.

Salmo 42:5

Tadaw ta mamondo ka, O kalag ko? Tadaw ta napupurisaw ka? Maglaom ka sa Dios; huli ta oomawon ko siya giraray, sakuyang tabang asin sakuyang Dios.

Salmo 42:9

Minasabi ako sa Dios, gapo kong panarigan, “Tadaw ta ako saimong linilingawan? Tadaw ta padagos akong nagtitios huli kan pang-aapi kan sakong kaiwal?”

Salmo 43:2

Ika, O Dios, an sakuyang pailihan; tano ta ako saimong isinisikwal? Tadaw ta padagos akong nagtitios huli kan pang-aapi kan sakong mga kaiwal?

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Salmo 6:6

Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

Salmo 88:9

nagluluya an sakong mga mata huli sa kamondoan. Aroaldaw nag-aapod ako saimo, Kagurangnan; iniitaas ko sa pagpamibi an sakuyang mga kamot.

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.