Salmo 38:1 - Marahay na Bareta Biblia

¹ Kagurangnan, dai mo ako pagtuyawon sa saimong kaanggotan ni pagsilotan sa saimong labi-labing kaanggotan!

Salmo 38:1 ပူးပေါင်းရင်းမြစ်များ

Salmo 6:1

Kagurangnan, hare ako pagsagwea sa saimong kaanggotan; sa labi-labi mong kaanggotan, dai mo ako pagpadusahan.

Salmo 70:1

O Dios, ligtasan ako! Kagurangnan, paghumare sa pagtabang sako!

Salmo 88:7

Nagagabatan ako kan saimong kaanggotan; nalalamos ako kan saimong mga alon.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Jeremias 10:24

Padusahan mo an saimong banwaan, O Kagurangnan, alagad kan maninigo sana samo. Giboha iyan bakong sa kaanggotan, huli ta tibaad iyan an magin samuyang kataposan.

Jeremias 30:11

Masasakaibahan nindo ako tanganing iligtas kamo. Roronoton ko an gabos na nasyon na pinagwarakan ko saindo, alagad dai ko kamo pupuhoon. Dai ako matugot na dai kamo mapadusahan; alagad kun padusahan ko na kamo, gigibohon ko an matanos para saindo! Ako, an Kagurangnan, an nagtaram.”

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Deuteronomio 9:19

Natakot ako sa labi-labing kaanggotan saindo nin Kagurangnan, huli ta andam na siyang tunawon kamo; alagad dinangog giraray ako nin Kagurangnan.