Salmo 37:9 - Marahay na Bareta Biblia

⁹ An daga masasadirihan kan mga nagsasarig sa Kagurangnan; alagad an mga maraot papahaleon duman.

Salmo 37:9 ပူးပေါင်းရင်းမြစ်များ

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Salmo 25:13

Siya magigin mauswag sagkod pa man; an daga makakamtan kan saiyang kaakian.

Isaias 57:13

Pag-agrangay nindo, patabanga an saindong mga dios-dios! Ipapalid sinda sa sarong paghuyop nin doros! Alagad an mga nagsasarig sako iyo an mag-eerok sa daga asin sasambahon ninda ako sa sakong Templo.”

Salmo 37:29

Masasadirihan kan mga matanos an daga asin mag-eerok sinda duman sagkod lamang.

Salmo 55:23

Alagad an mga paragadan asin mga madaya isusubol nin Dios sa saindang lulubngan, bago magkabangaan an mga aldaw nin saindang buhay. Alagad ika an sakong sasarigan.

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”

Mga Talinhaga 2:21

Huli ta an mga matanos iyo an mag-eerok sa dagang ini asin an mga tawong mayo nin digta an mabubuhay diyan.

Isaias 58:14

dangan makukua nindo an kaogmahan na minadatong huli sa paglingkod sako. Itatao ko saindo an kaomawan sa bilog na daga, asin papakinabangan nindo an daga na itinao ko sa saindong ginikanan na si Jacob. Ako, an Kagurangnan, an nagtaram.”

Hebreyo 11:16

Alagad mawot ninda an sarong mas marahay na lugar, an lugar na langitnon. Kaya an Dios dai nasosopog na apodon siyang Dios ninda, huli ta nag-andam siya nin syudad para sainda.

Mga Bilang 26:65

Nagtaram an Kagurangnan na sinda gabos magagadan sa kalangtadan, asin nagadan mananggad sinda pwera ki Caleb na aking lalaki ni Jefunne, asin ki Josue na aking lalaki ni Nun.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Josue 14:9

Huli ta ginibo ko ini, nanuga sako si Moises na itatao niya sako sagkod sa mga aki ko bilang samong pamana an daga na sakong lalakawan.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.