Salmo 32:8 - Marahay na Bareta Biblia

⁸ Nagtaram an Kagurangnan, “Itutukdo ko saimo an dalan na saimong lalakawan; babantayan taka asin huhulitan.

Salmo 32:8 ပူးပေါင်းရင်းမြစ်များ

Genesis 24:48

Pakatapos, nagduko ako asin nagsamba sa Kagurangnan. Inomaw ko an Kagurangnan, an Dios kan sakong kagurangnan na si Abraham, na nangenot sako pasiring sa mga kadugo kan sakong kagurangnan saen nakua ko an magigin agom kan saiyang aki.

2 Samuel 22:33

An Dios na ini iyo an makosog kong pailihan; ginibo niyang ligtas an sakong dalan.

1 Mga Hade 8:36

hinanyoga sinda hale sa langit, saka patawada an mga kasalan kan hade asin kan banwaan nin Israel; tukdoan mo sinda sa paggibo nin matanos. Dangan, O Kagurangnan, tawe nin uran an saimong daga, an daga na itinao mo sa saimong banwaan bilang pamana.

Salmo 143:8

Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Salmo 34:11

Madya kamo, mga aki, dangoga ako, asin tutukdoan ko kamo kan pagkatakot sa Kagurangnan.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Mga Bilang 9:22

Minsan iyan duwang aldaw sana, sarong bulan, sarong taon o labi pa, mantang an panganoron nasa ibabaw kan Tabernakulo dai sinda minapadagos; minalakaw sana sinda kun minaitaas na an panganoron.

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.