Salmo 32:5 - Marahay na Bareta Biblia

⁵ Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Salmo 32:5 ပူးပေါင်းရင်းမြစ်များ

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

2 Samuel 12:9

Tadaw ta sinuhay mo an sakong mga pagboot? Tadaw ta ginibo mo an karatan na ini? Ipinagadan mo sa ralaban si Urias na Heteo; pinabayaan mo siyang magadan kan mga Ammonita dangan kinua mo an saiyang agom!

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”

1 Mga Hade 8:50

Patawada sinda kan gabos nindang kasalan asin kasombikalan; ibugtak mo an pagkaherak sa puso kan mga nagbihag sainda tanganing maherakan sinda.

2 Mga Cronica 6:29

hinanyoga an saindang mga pamibi. Kun an siisay man sa saimong banwaan, huli sa kamondoan, mag-itaas kan saiyang mga kamot pasiring sa Templong ini tanganing makimaherak saimo,

Esdras 10:11

Kaya ikumpisal nindo an saindong mga kasalan sa Kagurangnan, an Dios kan saindong mga ginikanan, asin kuyogon nindo an saiyang kabotan. Humarayo kamo sa mga dayuhan na nag-eerok sa satuyang daga asin suhayan nindo an saindong mga dayuhan na agom.”

An Libro ni Job 31:33

Hiningowa kan ibang tawo na itago an saindang mga kasalan, alagad dai ko ginibo iyan.

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Salmo 103:12

Kun gurano an rayo kan sirangan sa solnopan, siring man an pagrayoan niya sa sato kan satong mga kasalan.

Salmo 103:3

Pinapatawad niya an gabos kong kasalan, binobolong niya an gabos kong helang.

Salmo 25:16

Hilingon mo ako dangan kaherakan, huli ta ako mamondo asin nasasakitan.

Salmo 25:18

Hilinga an sakong kahaditan asin kasakitan; patawada an gabos kong kasalan.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Salmo 38:18

Ikinukumpisal ko an sakong mga kasalan; ini sakuyang pinagsosolsolan.

Salmo 38:19

Makokosog an sakong mga kalaban; dakul an anggot sako na mayo nin dahelan.

Salmo 51:6

Mawot mo an katotoohan sa lambang linalang, kaya panoa ako nin kadonongan.

Salmo 86:15

Alagad ika, Kagurangnan, sarong Dios na maheherakon asin mamomoton, maluway sa pag-anggot saka mayaman sa danay na pagkamoot asin pagkamaimbod.

Salmo 86:5

Kagurangnan, ika marahay saka mapagpatawad, mayaman sa danay na pagkamoot sa gabos na nag-aapod saimo.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Mga Talinhaga 30:20

Siring kaini an ginigibo kan babaeng nagpapasambay: nakikidorog siya sa lalaki, minakarigos, dangan minasabi, “Mayo ako nin ginibong maraot!”

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Jeremias 2:23

Paanong nakakasabi ka na dai ka nadigtaan, na dai ka lamang nagsamba ki Baal? Hilinga kun paano ka nagkasala sa kapantayan; hilinga kun ano an saimong ginibo. Garo ka lalaw na babaeng kamelyo na hinahabagat na nagdadalagan sa gabos na direksyon,

Jeremias 2:35

nagsasabi ka, ‘Mayo ako nin sala; siguradong mayo na an kaanggotan nin Kagurangnan sako!’ Alagad ako, an Kagurangnan, an mapadusa saimo huli ta pinagnenegaran mo na nagkasala ka.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Oseas 6:1

Nagsasabi an mga tawo, “Magbaralik na kita sa Kagurangnan! Kinukulogan niya kita, alagad papaomayan niya kita; linugad niya kita, alagad bubugkoson niya an satong mga lugad.

Levitico 5:5

Kun magkasala an sarong tawo, kaipuhan ikumpisal niya an saiyang kasalan

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Lukas 7:47

Kaya sinasabihan taka, an ipinahiling niyang dakulang pagkamoot nagpapatunay na an dakul niyang mga kasalan pinatawad na. An pinatawad nin dikit, kadikit man an ipinapahiling na pagkamoot.”

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”