Salmo 32:4 - Marahay na Bareta Biblia

⁴ Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 32:4 ပူးပေါင်းရင်းမြစ်များ

An Libro ni Job 16:21

Boot kong may makimaherak sa Dios para sako, siring sa sarong tawong nakikimaherak para sa saiyang katood.

An Libro ni Job 30:30

Malalata na an sakong kublit; halangkaw nin marahay an sakong kalentura.

An Libro ni Job 33:7

Kaya mayo nin dahelan na matakot ka sako; dai taka dadaogon.

Salmo 22:15

Siring sa mamarang alpog halonan ko naaalang; dila ko nakadukot sa sakong ngaragngag. Hinutad mo ako sa alpog nin kagadanan.

Mga Panambitan 4:8

Ngunyan dai namimidbidan na naghihigda sinda sa mga tinampo, an saindang lalawogon maitom siring sa oring; an saindang kublit dukot na sa tolang asin alang na siring sa kahoy.

Mga Panambitan 5:10

Gutom an dahelan kan samong kalentura sagkod na an kublit mi magin arog kainit sa horno.

Ruth 1:13

makakahalat pa daw kamo sagkod na dakula na sinda? Sinda kaya an makapugol sa dai nindo pagpaagom sa iba? Mga aki ko, aram nindong imposible iyan. Pinadusahan ako nin Kagurangnan, asin nakakamati ako nin kamondoan para saindo.”

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.

1 Samuel 6:9

Bantayan nindo; kun magpasiring an kariton sa banwaan nin Bet-semes, an dios nin Israel iyo an nagpadara sato kan makangirhat na pesteng ini; alagad kun dai, bako siya an nagpadara kundi nagkanorongod sana.”