Salmo 32:3 - Marahay na Bareta Biblia

³ Kan dai ko ikinumpisal an sakong mga kasalan, napagal ako nin marahay, huli sa bilog na aldaw kong pag-agrangay.

Salmo 32:3 ပူးပေါင်းရင်းမြစ်များ

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

An Libro ni Job 3:24

Embes na magkakan, ako nagmomondo; asin sa pag-agrangay, dai nanggad ako napapaontok.

An Libro ni Job 30:17

Pagkabanggi, nagkukulog an gabos kong tolang; an kulog na nagpapasakit sako dai nag-oontok.

An Libro ni Job 30:30

Malalata na an sakong kublit; halangkaw nin marahay an sakong kalentura.

Salmo 22:1

Dios ko, Dios ko, tano ta pinabayaan mo ako? Tadaw ta harayo ka sa pagtabang sako, sa pagdangog kan sakong mga inagrangay?

Salmo 38:3

An sakong hawak mayo nin karahayan huli kan saimong kaanggotan. Mayo nin karahayan an sakong mga tolang, huli kan sakuyang mga kasalan.

Salmo 38:8

Ako pinanluluya, talagang pagal na; nag-aagrangay huli ta an puso nahohorasa.

Salmo 51:8

Panoa ako nin kaogmahan asin kagayagayahan; gibohang magin maogma an rinonot mong mga tolang.

Salmo 6:2

Ako napapagal, Kagurangnan, saimong kaherakan; bolonga ako, Kagurangnan, an sakong hawak nasasakitan.

Mga Talinhaga 17:22

An magayagayang puso sarong marahay na bolong, alagad an mamondong espiritu minaubos kan kosog nin tawo.

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Mga Panambitan 3:4

Linugad niya an sakong laman, asin rinonot an sakong mga tolang.

Mga Panambitan 3:8

Maski nag-aapod ako sa paghagad nin tabang, alagad habo niya akong dangogon;

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

1 Samuel 31:13

Dangan kinua ninda an mga tolang asin ilinubong sa irarom kan kahoy na sampalok duman sa Jabes. Pakatapos, nag-ayuno sinda sa laog nin pitong aldaw.