Salmo 3:7 - Marahay na Bareta Biblia

⁷ Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

Salmo 3:7 ပူးပေါင်းရင်းမြစ်များ

2 Samuel 18:8

Naglakop an ralaban sa kaawagan, asin mas dakul an nagkagaradan sa kadlagan ki sa pagralaban.

An Libro ni Job 16:10

Ngingisihan ako kan mga tawo; pinalibotan ninda ako dangan sinampaling.

An Libro ni Job 29:17

Rinaot ko an kapangyarihan kan makuring mga tawo, asin ilinigtas ko an saindang mga biktima.

Salmo 10:12

Tumindog ka, Kagurangnan; O Dios, itaas mo an saimong kamot! Hare paglingawe an mga nagtitios!

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 27:3

Maski mapalibotan ako nin sarong bilog na hukbo, dai matatakot an puso ko; maski salakayon ako kan sakong mga kaiwal, padagos akong magsasarig sa Dios.

Salmo 35:23

Magmata ka, Kagurangnan, sa pagsurog sako; bumangon ka, sakuyang Dios, sa pagtabang sako.

Salmo 44:23

Magbangon ka! Tadaw ta nagkakatorog ka, Kagurangnan? Magbangon ka! Hare kami pagsikwalan sagkod lamang.

Salmo 58:6

O Dios, ronota an mga ngipon kaining mariringis na leon; Kagurangnan, gabota an saindang mga tingo.

Salmo 59:5

O Dios nin mga hukbo, O Dios nin Israel. Bumangon ka sa pagpadusa sa mga banwaan, dai ka maherak sa kiisay, man na parapasaluib.

Salmo 6:4

Madya, Kagurangnan, ligtasan an sakong buhay, huli kan pagkamoot mo na daing kataposan.

Salmo 7:6

Sa kaanggotan, bumangon ka, Kagurangnan! Atubangon mo an kaanggotan kan sakong mga kalaban; pagmata, Dios ko, mawot mo an katanosan.

Salmo 74:11

Tano ta pinupugol mo an saimong kamot? Tano ta nagsasayuma ka sa pagtabang samo?

Salmo 76:9

kan ika magtindog sa paghukom, tanganing iligtas an gabos na naaapi sa daga.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Mga Panambitan 3:30

Maski sinampaling asin ininsulto dapat akoon nyato iyan gabos.

Habakkuk 2:19

Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.