Salmo 3:3 - Marahay na Bareta Biblia

³ Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 3:3 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 40:13

Pakalihis nin tolong aldaw, papaluwason ka digdi kan hade, papatawadon asin papabalikon sa dati mong trabaho. Ika giraray an matao sa hade kan saiyang kalis siring kan enot na mga aldaw kan ika an saiyang kopero.

2 Mga Hade 18:30

Dai nindo siya pagtugotan na mapatubod kamo na ililigtas kamo nin Kagurangnan, asin na an syudad na ini dai itatao sa kamot kan emperador nin Asiria.

2 Mga Hade 18:32

sagkod na mag-abot an emperador asin darahon niya kamo sa sarong daga na arog kan sadiri nindong daga, sarong daga nin trigo saka arak, sarong daga nin tinapay saka mga ubasan, sarong daga nin mga kahoy nin oliba saka dugos tanganing mabuhay kamo asin dai magadan. Dai kamo maghinanyog ki Ezekias kun papag-isipon niya kamo na ililigtas kamo nin Kagurangnan.

2 Mga Hade 25:27

Kan taon na nagin hade si Evilmerodac sa Babilonia, may pagkaherak na pinaluwas niya si Hadeng Jehoiakim nin Juda. Nangyari ini kan ikabeynte y syeteng aldaw kan ikadoseng bulan kan ikatreynta y syeteng taon nin pagkabihag ki Jehoiakin.

Salmo 110:7

Mainom siya sa burabod na yaon sa tampi kan dalan, dangan makakamtan niya an kapangganahan.

Salmo 119:114

Ika an sakong pailihan asin kalasag; minalaom ako sa saimong tataramon.

Salmo 18:2

An Kagurangnan iyo an sakong parasurog; sakong pailihan, sakong paratubos. An sakong Dios, gapo na sakong pailihan; sakong kalasag, sakong katabang, sakong bantayan.

Salmo 27:6

Kaya dadaogon ko an sakong mga kaiwal na nakapalibot sako. Magdodolot ako nin mga sakripisyo sa saiyang Templo kaiba an kinurahaw nin kaogmahan; mag-aawit ako, mag-oomaw sa Kagurangnan.

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 4:3

Giromdoma na pinili nin Kagurangnan para saiya an mga banal; dinadangog ako nin Kagurangnan kun siya sakong inaapodan.

Salmo 62:7

Nagsasarig ako sa Dios para sa sakong kaligtasan asin kaomawan; siya an sakong makosog na gapo, siya an sakong pailihan.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Isaias 45:25

Ako, an Kagurangnan, an maligtas sa gabos na kapagarakian ni Jacob, asin oomawon ninda ako.

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

Kapahayagan 21:11

nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.