Salmo 27:9 - Marahay na Bareta Biblia

⁹ Dai ka magtago sako!” Dai ka maanggot sako; hare pagsubolan an saimong sorogoon. Ika an sakong nagin tabang; hare ako pagpabayae o pagsikwalan. O Dios nin sakong kaligtasan!

Salmo 27:9 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Salmo 102:2

Hare pagtagoa sako an saimong lalawogon, sa mga aldaw nin sakong kasakitan! Himatea ako; simbaga tolos sa aldaw na ako mag-apod.

Salmo 102:3

Huli ta an sakong buhay napapara siring sa aso; naglalaad an hawak ko siring sa kalayo.

Salmo 119:121

Ginibo ko an matanos asin an marahay; hare ako pagbayae sa sakong mga kaiwal!

Salmo 13:1

Sagkod nuarin mo ako lilingawan, Kagurangnan? Sagkod nuarin mo tatagoon sako an saimong lalawogon?

Salmo 143:7

Paghumare sa pagsimbag sako, Kagurangnan! Pinanluluya an sakuyang espiritu! Hare pagtagoa sako an lalawogon mo, tibaad makaarog ako sa mga nahulog sa lulubngan.

Salmo 24:5

Aakoon niya an bendisyon hale sa Kagurangnan, asin an balos hale sa Dios nin saiyang kaligtasan.

Salmo 44:24

Tadaw ta tinatago mo an saimong lalawogon? Tadaw ta linilingawan mo an samong kasakitan asin kaapihan?

Salmo 51:11

Hare ako pagsikwalan sa atubangan mo; hare paghalea sako an banal mong Espiritu.

Salmo 69:17

Hare pagtagoa sa saimong sorogoon an lalawogon mo; huli ta ako nahohorasa, tolos simbaga ako.

Salmo 69:18

Madya sako, tubosa ako, ligtasan ako sa mga kaiwal ko.

Salmo 88:1

Kagurangnan kong Dios, sa aldaw ako minaapod saimo; asin sa banggi minaagrangay ako sa atubang mo.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 59:2

Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Jeremias 32:40

Magibo ako sainda nin sarong tipan na mayo nin kataposan. Dai ako maontok sa paggibo nin mga marahay na bagay para sa sainda. Gigibohon ko na matakot sinda sako sa bilog nindang puso tanganing dai na ninda ako pagtalikodan.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

1 Samuel 7:12

Nagkua si Samuel nin sarong gapo dangan pinatindog sa pagultanan kan Mizpa asin kan Shen. An gapo inapod niyang Ebenezer huli ta an olay niya, “Tinabangan kita nin Kagurangnan sagkod digdi.”