Salmo 27:6 - Marahay na Bareta Biblia

⁶ Kaya dadaogon ko an sakong mga kaiwal na nakapalibot sako. Magdodolot ako nin mga sakripisyo sa saiyang Templo kaiba an kinurahaw nin kaogmahan; mag-aawit ako, mag-oomaw sa Kagurangnan.

Salmo 27:6 ပူးပေါင်းရင်းမြစ်များ

Genesis 40:13

Pakalihis nin tolong aldaw, papaluwason ka digdi kan hade, papatawadon asin papabalikon sa dati mong trabaho. Ika giraray an matao sa hade kan saiyang kalis siring kan enot na mga aldaw kan ika an saiyang kopero.

Genesis 40:20

Pakalihis nin tolong aldaw, sa kumpleanyo kan hade, nagtao siya nin bangkete sa gabos niyang opisyal; pinaluwas niya sa bilanggoan an saiyang kopero asin an saiyang panadero dangan pinaatubang sinda sa saiyang mga opisyal.

2 Samuel 22:1

Kan iligtas nin Kagurangnan si David ki Saul asin sa iba pa niyang mga kaiwal, inawit ni David sa Kagurangnan an awit na ini:

2 Samuel 22:49

asin ilinigtas niya ako sa sakuyang mga kaiwal. Kagurangnan, pinapanggana mo ako laban sa sakuyang mga kaiwal, asin ilinigtas mo ako sa mga madahas na tawo.

2 Samuel 7:9

Inibahan taka saen ka man nagduman, asin dinaog ko an gabos mong kaiwal mantang nagdadangadang ka. Gigibohon kong magin bantog an saimong ngaran, arog kan ngaran kan mga darakulang lider sa kinaban.

2 Mga Hade 25:27

Kan taon na nagin hade si Evilmerodac sa Babilonia, may pagkaherak na pinaluwas niya si Hadeng Jehoiakim nin Juda. Nangyari ini kan ikabeynte y syeteng aldaw kan ikadoseng bulan kan ikatreynta y syeteng taon nin pagkabihag ki Jehoiakin.

1 Mga Cronica 22:18

Olay niya, “Bakong inibahan kamo nin Kagurangnan na saindong Dios? Bakong tinawan niya kamo nin katoninongan sa palibot nindo? Itinugot niyang madaog ko an mga nag-eerok kaidto sa dagang ini; ngunyan mga sakop na nindo sinda asin nin Kagurangnan.

Salmo 107:22

Mga sakripisyo nin pasalamat kaipuhan idolot ninda, mga gibo niya kaipuhan ipagrukyaw sa mga awit nin kaogmahan.

Salmo 110:7

Mainom siya sa burabod na yaon sa tampi kan dalan, dangan makakamtan niya an kapangganahan.

Salmo 119:108

Akoa an sakong mga dolot nin pag-omaw, Kagurangnan, asin tukdoe ako kan saimong mga kabotan.

Salmo 138:5

Mag-aawit sinda kan saimong mga ginibo asin kan saimong dakulang kamurawayan.

Salmo 21:1

Sa saimong kosog nag-oogma an hade, O Kagurangnan; naoogma huli sa tabang na itinao mo saiya.

Salmo 21:13

Inoomaw mi ika, Kagurangnan, huli kan saimong dakulang kosog! Aawiton asin oomawon nyamo an saimong kapangyarihan.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Salmo 3:4

Minaagrangay ako nin makosog sa Kagurangnan; minasimbag siya hale sa saiyang banal na bulod.

Salmo 47:1

Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 57:8

Pagmata, O kalag ko! Pagmata, sakong arpa asin lira! Pupukawon ko an kaagahon.

Salmo 81:1

Mag-awit nin makosog sa Dios na satong parasurog; magkurahaw kita sa kaogmahan sa Dios ni Jacob!

Salmo 95:1

Madya, awitan nyato an Kagurangnan; maogmang omawon ta an gapo nin satong kaligtasan!

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Hebreyo 13:15

Kaya danay kitang magdolot nin atang nin pag-omaw sa Dios huli ki Jesus, pag-omaw na nagpapahayag kan satong pagmidbid sa saiya bilang Kagurangnan.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.