Salmo 27:5 - Marahay na Bareta Biblia

⁵ Sa panahon nin kasakitan sasangkoban niya ako; tatagoon niya sa laog kan saiyang Templo asin ibubugtak sa ibabaw nin sarong halangkaw na gapo.

Salmo 27:5 ပူးပေါင်းရင်းမြစ်များ

2 Mga Cronica 22:12

Nagtago an aki sa laog nin anom na taon, mantang si Atalia an namayo bilang reyna.

Salmo 10:1

Tadaw ta harayo kang marahay, Kagurangnan? Tadaw ta nagtatago ka kun kami nasa kahorasaan?

Salmo 119:114

Ika an sakong pailihan asin kalasag; minalaom ako sa saimong tataramon.

Salmo 138:7

Maski ako maglakaw sa tahaw nin kasakitan, iniingatan mo an sakong buhay; linalabanan mo an mga anggot kong kaiwal, asin iliniligtas mo ako huli kan saimong kapangyarihan.

Salmo 17:8

Ingati ako siring sa alinawnaw kan saimong mata; sa lindong kan saimong mga pakpak ako tagoa;

Salmo 18:33

Ginibo niya akong maingat sa paglakaw arog sa usa; pinangagin niya akong ligtas sa ibabaw nin kabukidan.

Salmo 31:20

Sa hilom mong lugar, itinatago mo sinda sa mga huma nin mga tawo. Dinadara mo sinda sa ligtas na lugar, harayo sa mararang dila kan mga kaiwal.

Salmo 31:21

Pag-omawon an Kagurangnan! Makangangalas na ipinahiling niya sako an danay niyang pagkamoot, kan ako sinalakay siring sa syudad na napapalibotan.

Salmo 40:2

Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Salmo 40:3

Bagong awit itinukdo niya sako, sarong awit nin pag-omaw sa satuyang Dios. Dakul an makakahiling saka matatakot, asin magsasarig sinda sa Kagurangnan.

Salmo 46:1

An Dios satong pailihan asin kosog, danay na andam sa pagtabang sa panahon nin kasakitan.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Salmo 61:3

huli ta ika an pailihan ko, sarong pusog na bantayan tumang sa mga kaiwal ko.

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Salmo 83:3

Nagpaplano sinda nin karatan tumang sa saimong banwaan; nagtitiripon tumang sa saimong mga iniingatan.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Colosas 3:3

Huli ta nagadan na kamo, asin an saindong buhay natatago kaiba ni Cristo sa Dios.