Salmo 27:11 - Marahay na Bareta Biblia

¹¹ Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 27:11 ပူးပေါင်းရင်းမြစ်များ

Salmo 119:10

Sa bilog kong puso hinahanap taka; dai man logod ako makasuhay sa saimong mga togon.

Salmo 139:24

Hilinga kun igwa nin karatan, asin daraha ako sa dalan na daing kasagkoran.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 25:9

An mapakumbaba dinadara niya sa tamang agihan, asin pinapasabot kan saiyang kabotan.

Salmo 26:12

Ligtas ako sa gabos na pag-alaman; sa dakulang katiriponan oomawon ko an Kagurangnan.

Salmo 5:8

Kagurangnan, kadakul kan sakong mga kaiwal! Pangenote ako sa paggibo kan saimong kabotan; pantaya an saimong dalan na sakong aagihan.

Salmo 5:9

Huli ta mayo nin katotoohan sa saindang ngoso; karatan an nasa saindang puso. An saindang halonan sarong bukas na lulubngan; an saindang dila pano nin kaputikan.

Salmo 54:5

Babalosan niya nin karatan an sakuyang mga kaiwal; huli ta siya maimbod, sinda saiyang tutunawon.

Salmo 64:6

Siisay an makakaaram kan mga maraot tang gibo? Areglado nanggad an satong mga plano.” Hararom an puso saka isip nin tawo!

Salmo 86:11

Kagurangnan, itukdo mo sako an saimong dalan, tanganing maglakaw ako sa saimong katotoohan, bilog na pusong matakot sa saimong ngaran.

Mga Talinhaga 15:19

An dalan kan hugakon pano nin mga tonok, alagad an tinampo kan matanos mahiwas asin patag.

Mga Talinhaga 8:9

Malinaw ini para sa tawong may pakasabot; sa madonong, tama ini gabos.

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Lukas 20:20

Kaya naghalat sinda nin ibang oportunidad na magibo iyan. Sinuholan ninda an nagkapirang tawo na magsagin-sagin, dangan isinubol an mga ini na pataluksohon si Jesus tanganing madara siya sa awtoridad asin kapangyarihan kan gobernador.