Salmo 26:4 - Marahay na Bareta Biblia

⁴ Dai ako nagtutukaw sa kaibahan nin mga putikon; ni sa kaibahan kan mga parasagin-sagin.

Salmo 26:4 ပူးပေါင်းရင်းမြစ်များ

An Libro ni Job 31:5

“Minasumpa ako na dai ako nagin maraot asin mayo akong dinaya.

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Salmo 101:4

An karatan sa puso magigin harayo sako; dai ako makikilabot sa anoman na maraot.

Salmo 119:115

Humarayo kamo sa sako, mga paragibo nin maraot, tanganing maotob ko an mga katogonan nin sakong Dios.

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Mga Talinhaga 12:11

An mahigos na paraoma igwa nin dakul na kakanon, alagad kalolongan an magsayang nin panahon sa mayo nin halagang mga proyekto.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 9:6

Bayae an kamangmangan, asin mabubuhay ka. Sunoda an dalan nin pakaaram.”

Jeremias 15:17

Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.