Salmo 26:12 - Marahay na Bareta Biblia

¹² Ligtas ako sa gabos na pag-alaman; sa dakulang katiriponan oomawon ko an Kagurangnan.

Salmo 26:12 ပူးပေါင်းရင်းမြစ်များ

Salmo 107:32

Kaipuhan ipagrukyaw ninda an saiyang kadakulaan sa katiriponan nin mga banwaan, asin pag-omawon siya sa katiriponan nin kamagurangan.

Salmo 111:1

Omawon an Kagurangnan! Bilog na puso kong papasalamatan an Kagurangnan sa katiriponan nin mga matanos.

Salmo 122:4

Duman minaturukad an mga tribu, an mga tribu nin Kagurangnan, tanganing duman magpasalamat sa Kagurangnan sosog sa togon na itinao niya sa Israel.

Salmo 26:7

mantang nag-aawit nin kapasalamatan; asin nagpapahayag kan gabos mong ngangalasan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 40:2

Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Salmo 68:27

Sa enotan si Benjamin, an pinakasadit sa tribu, dangan an mga lider ni Juda saka an saindang pag-iriba, kasunod an mga lider ni Zabulon saka ni Neftali.

Mga Talinhaga 10:9

An naglalakaw sa katanosan naglalakaw na matiwasay, alagad madadakop an may bikong pamumuhay.

Hebreyo 2:12

Sinasabi niya sa Dios, “An ngaran mo ipagbabantog ko sa sakong mga tugang; oomawon taka sa tahaw nin katiriponan.”

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.