Salmo 26:10 - Marahay na Bareta Biblia

¹⁰ mga tawong gabos karatan an nakakapotan, na sa pag-ako nin suhol an toong kamot danay na andam.

Salmo 26:10 ပူးပေါင်းရင်းမြစ်များ

Salmo 10:14

Alagad nahihiling mo; namamasdan mo an kahorasaan asin kasakitan; danay kang andam sa pagtao nin tabang. An dukha minasarig sa saimo; ika an danay na nagtatabang sa mga ilo.

Salmo 11:2

huli ta ibiningat na kan mga maraot an saindang pana, tanganing sa kadikloman panaon an mga matanos.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Exodo 23:8

Dai ka mag-ako nin suhol, huli ta an suhol nakakabuta sa tawo asin nakakapadaog sa mga tawong mayong sala.

Mga Talinhaga 1:16

An saindang mga bitis nagdadalagan sa paggibo nin karatan, naghihidali sinda sa panggagadan.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Amos 5:12

Huli ta aram ko an kadakul nindong kasombikalan asin kun gurano kadakula an saindong mga kasalan. Pinapasakitan nindo an mga matanos, minaako kamo nin suhol, saka dai nindo itinatao an deretso kan mga dukha.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Mga Gibo 23:12

Pagkaaga, nagtiripon an nagkapirang mga Judio asin nagkaoroyon sinda na gadanon si Pablo. Nagsumpa sinda na dai makakan o mainom nin anoman sagkod na magadan ninda si Pablo.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

1 Samuel 8:3

Alagad dai sinda nagsunod sa paarog kan saindang ama; boot sana nindang magyaman, kaya nag-ako sinda nin mga suhol asin biniko ninda an katanosan.