Salmo 26:1 - Marahay na Bareta Biblia

¹ Tawan mo ako nin katanosan, Kagurangnan, huli ta ako naglakaw sa kabanalan, asin daing pagduwa-duwang nagsarig sa Kagurangnan.

Salmo 26:1 ပူးပေါင်းရင်းမြစ်များ

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

An Libro ni Job 2:3

Naghapot giraray an Kagurangnan, “Nanumpongan mo si Job na sakong sorogoon? Mayong makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot. Dinagka mo akong tugotan taka na salakayon siya maski mayo nin dahelan, alagad siring sa dati, maimbod pa giraray siya.”

An Libro ni Job 4:6

Bakong an pagkatakot mo sa Dios iyo an saimong paniwala, asin an saimong pagkamatanos iyo an saimong paglaom?

Salmo 121:3

Dai ka niya papabayaan na mahulog; an parabantay mo dai makatorog.

Salmo 15:2

An makinuyog-kuyog sa Dios sa gabos na bagay asin naggigibo nin katanosan, an nagtataram nin katotoohan

Salmo 21:7

An hade nagsasarig sa Kagurangnan; huli kan danay na pagkamoot nin Kagurangnan, dai siya matatanyog.

Salmo 25:2

Dios ko, sa saimo ako minasarig. Dai mo ako ipasopog; hare pagtugot na tuyatuyaon ako kan sakong mga kaiwal!

Salmo 25:21

An sakong karahayan asin katanosan iyo logod an magligtas sako, huli ta naghahalat ako saimo.

Salmo 26:11

Alagad para sako, maglalakaw ako sa katanosan; ligtasan ako saka saimong kaherakan.

Salmo 28:7

Sakong kosog asin kalasag an Kagurangnan; puso ko siya an sinasarigan. Puso ko nag-oogma ta ako tinabangan; bilang pasalamat siya sakong inaawitan.

Salmo 31:14

Alagad sa saimo ako minasarig, Kagurangnan; ako minasabi, “Ika an sakuyang Dios.”

Salmo 35:24

O Dios, matanos na Kagurangnan, ipahayag mo an sakong katanosan; hare pagtugot na ako pagngisihan kan sakong mga kaiwal.

Salmo 37:31

An togon nin saiyang Dios yaon sa saiyang puso; dai siya nadadalinas sa saiyang paglakaw.

Salmo 4:5

Magdolot nin maninigong mga atang, asin magsarig kamo sa Kagurangnan.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 54:1

Ligtasan ako, O Dios, huli kan saimong ngaran; tawe ako nin katanosan huli kan saimong kosog!

Salmo 62:2

Siya sana an sakong gapo asin kaligtasan; siya an sakong bantayan, dai nanggad ako mahihiro.

Salmo 62:6

Siya sana an sakong gapo asin kaligtasan; siya an sakong bantayan, dai nanggad ako matatanyog.

Salmo 7:8

Hinuhukoman nin Kagurangnan an mga banwaan; hukoman mo ako, Kagurangnan, sosog sa sakong katanosan; aram mo na ako mayo nin kasalan.

Salmo 94:18

Kan magsaboot ako, “Nahuhulog ako,” an saimong danay na pagkamoot, Kagurangnan, an nagpugol sako.

Mga Talinhaga 20:7

Paladan an mga aki na igwa nin ama na onesto saka matanos.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

1 Pedro 1:5

Huli sa pagtubod, iniingatan kamo kan kapangyarihan nin Dios, sagkod na makamtan nindo an kaligtasan na andam nang ihayag sa kataposan nin panahon.

2 Pedro 1:10

Kaya, mga tugang, orog na magmahigos kamo sa pagpatotoo na talagang inapod saka pinili kamo nin Dios. Kun gibohon nindo ini dai kamo mahuhulog sa kasalan.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”