Salmo 24:8 - Marahay na Bareta Biblia

⁸ Siisay an hadeng ini nin kamurawayan? Siya an Kagurangnan, makosog asin mapangyari; siya an Kagurangnan, mapanggana sa gera.

Salmo 24:8 ပူးပေါင်းရင်းမြစ်များ

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

Exodo 15:3

An Kagurangnan sarong paralaban; Kagurangnan an saiyang ngaran.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Colosas 2:15

Sa pagkagadan ni Cristo sa krus, dinaog niya an mga prinsipado saka mga kapangyarihan. Ipinarada niya sinda sa publiko na garo mga bilanggo bilang patotoo na dinaog niya sinda.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.