Salmo 24:7 - Marahay na Bareta Biblia

⁷ Magburukas kamo, O mga trangkahan! Magburukas kamo, mga kasuanoy na pintoan, tanganing makalaog an hade nin kamurawayan!

Salmo 24:7 ပူးပေါင်းရင်းမြစ်များ

2 Samuel 6:17

An Kaban nin Tipan nin Kagurangnan dinara ninda asin ibinugtak sa sadiri kaining lugar sa laog kan tolda na pinatindog ni David. Pakatapos, nagdolot si David nin mga tinutong na atang asin dolot para sa katoninongan sa Kagurangnan.

1 Mga Hade 8:11

kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

1 Mga Hade 8:6

An Kaban nin Tipan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

Salmo 132:8

Kagurangnan, lumaog ka sa lugar na saimong pinagpapahingaloan, kaiba an Kaban nin Tipan, na tanda kan saimong kapangyarihan.

Salmo 21:1

Sa saimong kosog nag-oogma an hade, O Kagurangnan; naoogma huli sa tabang na itinao mo saiya.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Salmo 97:6

An kalangitan nagbabareta kan saiyang katanosan, asin an gabos na nasyon nakakahiling kan saiyang kamurawayan.

Isaias 26:2

Bukasi an mga trangkahan kan syudad tanganing makalaog an maimbod na nasyon, an nasyon na an mga namamanwaan naggigibo kan matanos.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Mikas 4:8

Ika, Jerusalem, iyo an lugar saen an Dios, arog sa sarong pastor sa bantayan, nagmamasid kan saiyang banwaan. Ika iyo man giraray an magigin pangenot na syudad kan kahadean na sadiri mo kaidto.

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Hageo 2:9

An bagong Templo magigin mas magayon ki sa dati, asin duman ko tatawan nin kauswagan asin katoninongan an sakong banwaan.” An Kagurangnan nin mga hukbo an nagtaram.

Malakias 3:1

Nagsisimbag an Kagurangnan nin mga hukbo, “Ipapadara ko an sakong sugo sa pag-andam kan dalan para sako. Dangan an Kagurangnan na saindong hinahanap bigla na sanang matunga sa saiyang Templo. Maabot an sugo na haloy na nindong mawot na mahiling asin ipapahayag niya an sakong tipan.”

Markos 16:19

Pakatapos na kaolayon kan Kagurangnan na Jesus an mga disipulo, isinakat siya sa langit asin nagtukaw sa too nin Dios.

1 Corinto 2:8

Mayo maski saro sa mga namamayo kan panahon na ini an nakasabot kan kadonongan na iyan; ta kun aram ninda iyan, dai kutana ninda ipinako sa krus an Kagurangnan nin kamurawayan.

Santiago 2:1

Mga tugang ko, bilang paratubod sa satong Kagurangnan na si Jesu-Cristo, an Kagurangnan nin kamurawayan, dai kamo magpalaen nin tawo.

1 Pedro 3:22

Nagsakat siya sa langit asin yaon sa too nin Dios; sakop niya an gabos na anghel, langitnon na mga awtoridad saka mga kapangyarihan.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”