Salmo 24:2 - Marahay na Bareta Biblia

² huli ta pinatindog niya ini sa ibabaw nin kadagatan, asin pinamugtak sa ibabaw nin katubigan.

Salmo 24:2 ပူးပေါင်းရင်းမြစ်များ

Genesis 8:22

Sagkod na yaon pa an kinaban, magkakaigwa nin panahon nin pagtanom asin pag-ani, nin lipot asin init, nin tig-init asin tig-uran, nin aldaw asin banggi.”

An Libro ni Job 38:4

Haen ka kan ibugtak ko an pundasyon kan kinaban? Kun talagang may naaaraman ka, tarami ako.

Salmo 136:6

An daga itinugdok niya sa ibabaw kan katubigan; an saiyang pagkamoot mayo nin kataposan.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 89:12

An amihan asin an habagat saimong linalang; an Tabor asin an Hermon maogmang minaomaw kan saimong ngaran.

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

Salmo 95:4

Nasa saiyang kamot an mga kairaroman kan daga; saiya man an mga kalangkawan nin kabukidan.

Salmo 96:10

Sabihan nindo an gabos na nasyon, “Hade an Kagurangnan! An kinaban, masarig na pinamugtak asin dai nanggad mahihiro; matanos niyang huhukoman an mga banwaan.”

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.