Salmo 22:8 - Marahay na Bareta Biblia

⁸ na an olay, “Nagsarig siya sa Kagurangnan; tadaw ta dai niya siya iliniligtas? Nawiwilihan siya nin Kagurangnan; tadaw ta dai siya tinatabangan?”

Salmo 22:8 ပူးပေါင်းရင်းမြစ်များ

An Libro ni Job 16:4

Makakataram man ako siring saindo, kun ako an nasa lugar nindo; pwede kong pagsugponon an mga tataramon laban saindo, asin magtango-tango kan sakong payo.

Salmo 109:25

Ako nagigin ngingisihan kan mga nagsumbong tumang sako; nagtatango-tango kun nahihiling ninda ako.

Salmo 18:19

Tinabangan niya akong makahale sa pag-alaman; ilinigtas niya ako huli ta ako saiyang nawilihan.

Salmo 37:5

Idusay mo an saimong sadiri sa Kagurangnan; magsarig saiya, asin ika saiyang tatabangan.

Salmo 42:10

An mga pag-olog-olog kan sakong mga kaiwal garo mga lugad na minapasakit sako, mantang padagos sindang naghahapot, “Haen an saimong Dios?”

Salmo 55:22

Iwalat nindo sa Kagurangnan an saindong mga kasakitan, asin susurogon niya kamo; dai siya matugot na matanyog an mga matanos.

Salmo 71:11

Olay ninda, “Pinabayaan siya nin Dios; lamagon ta siya asin dakopon, huli ta mayo nin maligtas saiya.”

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Mga Talinhaga 16:3

Idusay mo sa Kagurangnan an gabos mong gibo, asin maootob an saimong mga plano.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Mateo 12:18

“Uya an sakong sorogoon, an sakong pinili, an sakuyang namomotan asin ikinakaogma. Ibubugtak ko saiya an sakong Espiritu, asin ipapahayag niya an sakong hustisya sa gabos na nasyon.

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

Lukas 23:35

An mga tawong yaon duman nagmamasid mantang an mga lider na Judio nagtutuya-tuya saiya. An sabi ninda, “Ilinigtas niya an iba; iligtas man niya ngunyan an sadiri niyang buhay kun talagang siya an Cristo, an pinili nin Dios!”