Salmo 22:6 - Marahay na Bareta Biblia

⁶ Alagad ako sarong ulod asin bako nang tawo; hinaboan, nginisihan kan mga tawo!

Salmo 22:6 ပူးပေါင်းရင်းမြစ်များ

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

An Libro ni Job 25:6

gurano pa daw an sarong tawo, na sarong ulod, an aki nin tawo, na sarong ulod!”

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 31:1

Sa saimo, Kagurangnan, minahanap ako nin pailihan; hare nanggad ako pagpasopogan; sa saimong katanosan ako ligtasan!

Salmo 31:11

Para sa sakong mga kaiwal ako sarong ngingisihan; sa sakong mga kataed, ako sarong bagay na katatakotan. Mga kamidbid ko natatakot sako, mga nasabat ko sa dalan nagdudulag sako.

Salmo 41:5

Maraot an pinagsasabi kan sakong mga kaiwal dapit sako! “Nuarin siya magagadan asin nuarin mapapara an saiyang ngaran?”

Salmo 88:8

Ginibo mong bayaan ako kan sakong mga katood; para sainda ako sarong bagay na nakakatakot. Ako nabibilanggo asin dai makakadulag;

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Isaias 53:3

Pinag-olog-olog asin isinikwal ta siya; tinios niya an sakit saka kulog. Mayo man lamang nin boot na maghiling saiya— pinag-olog-olog ta siya asin dai ginalangan.

Mga Panambitan 3:30

Maski sinampaling asin ininsulto dapat akoon nyato iyan gabos.

Mateo 11:19

Kan an Aki nin Tawo an nagdigdi, nagkakan siya asin nag-inom, alagad nagsabi an mga tawo, ‘Hilinga saro siyang paslo, paraburat, katood kan mga parasingil nin buhis saka mga parakasala!’ Alagad an kadonongan nin Dios napapatotoohan kan saiyang mga gibo.”

Mateo 12:24

Kan madangog ini kan mga Fariseo, nagsabi sinda, “An tawong ini nakakapaluwas nin demonyo sa kapangyarihan ni Beelzebul na prinsipe kan mga demonyo.”

Juan 7:15

Napangalas an mga Judio asin nagsabi, “Tadaw ta madonong an tawong ini na dai man siya nin inadalan?”

Juan 7:20

Nagsimbag an mga tawo, “May demonyo ka! Siisay man an boot gumadan saimo?”

Juan 8:48

Sinabihan si Jesus kan mga Judio, “Bakong tama an samong sinabi na Samaritano ka asin may demonyo?”

Hebreyo 13:12

Iyan an dahelan kun tadaw ta nagadan si Jesus sa luwas kan syudad tanganing malinigan an mga tawo kan kasalan sa paagi kan saiyang dugo.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!