Salmo 22:30 - Marahay na Bareta Biblia

³⁰ Maabot na kapagarakian siya an paglilingkodan; mga tawo mabareta sainda manongod sa Kagurangnan.

Salmo 22:30 ပူးပေါင်းရင်းမြစ်များ

Hebreyo 2:13

Sinasabi pa niya, “Mananarig ako sa Dios.” Dangan, “Uya ako kaiba kan kaakian na itinao sako nin Dios.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Mateo 3:9

Dai kamo maghona na makakaligtas kamo sa padusa huli ta ama nindo si Abraham. Sinasabihan ko kamo, na sa mga gapong ini an Dios makakagibo nin mga aki para ki Abraham.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Salmo 102:28

An samuyang mga aki mabubuhay na ligtas; sa saimong atubang mayong kahandalan an saindang kapagarakian.

Salmo 87:6

Magibo an Kagurangnan nin sarong talaan kan mga banwaan, asin iaayon niya sinda gabos bilang mga taga Jerusalem.

Salmo 73:15

Kun nagtaram ako nin siring kaiyan, dai kutana ako nagin maimbod sa saimong banwaan.

Salmo 24:6

Siring kaini an mga tawo na naghahanap saiya, naghahanap kan lalawogon kan Dios ni Jacob.

Salmo 14:5

Alagad sinda gabos magkakatarakot, huli ta kaibahan nin Dios an mga matanos.