Salmo 22:3 - Marahay na Bareta Biblia

³ Alagad ika Banal, na an trono nasa mga pag-omaw nin Israel.

Salmo 22:3 ပူးပေါင်းရင်းမြစ်များ

An Libro ni Job 19:7

Ikinukurahaw ko an saiyang ginibong kadahasan, alagad mayo nin nagdadangog; mayong naghihinanyog kan inagrangay ko para sa katanosan.

An Libro ni Job 30:20

“Nag-aagrangay ako saimo, O Dios, alagad dai mo ako sinisimbag; asin kun ako namimibi, dai mo ako hinihinanyog.

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 50:23

An nagdadara nin atang nin pasasalamat nagtatao sako nin kaomawan; asin sa mga naglalakaw sa dalan nin katanosan, ipapahiling ko an sakong kaligtasan!”

Salmo 65:1

O Dios, maninigong omawon mi ika sa Sion, asin otobon an samong mga panuga saimo,

Salmo 88:2

An sakong pamibi makaabot logod saimo; hinanyoga an inagrangay ko.

Salmo 99:9

Pag-omawon an Kagurangnan nyamong Dios, asin sambahon siya sa saiyang banal na bulod! Huli ta banal an Kagurangnan na samuyang Dios.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Habakkuk 1:2

O Kagurangnan, sagkod nuarin ako maghahagad nin tabang bago mo dangogon, bago mo kami ililigtas sa kadahasan?

Deuteronomio 10:21

Pag-omawon nindo siya huli ta siya an saindong Dios; nahiling nindo an dakula asin makangangalas na mga bagay na ginibo niya para saindo.

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”