Salmo 20:6 - Marahay na Bareta Biblia

⁶ Ngunyan aram kong tatabangan nin Kagurangnan an saiyang linahidan; sisimbagon niya siya hale sa saiyang banal na langit; tatawan nin dakul na kapangganahan huli kan saiyang toong kamot.

Salmo 20:6 ပူးပေါင်းရင်းမြစ်များ

1 Mga Hade 8:30

Hinanyoga an saimong sorogoon asin an saimong banwaan sa Israel sa panahon na mamibi kamong arubang sa lugar na ini. Hinanyoga kami hale sa saimong erokan sa langit asin patawada kami.

1 Mga Hade 8:43

hinanyoga an saiyang pamibi. Hale sa langit na saimong erokan, hinanyoga siya asin giboha an hinahagad niya saimo, tanganing mamidbidan ka kan mga tawo sa kinaban dangan kuyogon ka ninda siring kan pagkuyog saimo kan banwaan nin Israel. Dangan maaaraman ninda na an Templong ini na ipinatugdok ko iyo an lugar na pagsasambahan saimo.

Salmo 17:7

Ipahiling mo an danay mong pagkamoot, O paraligtas sa mga kaiwal kan mga nagpapaili sa too mong kamot.

Salmo 18:35

Kagurangnan, itinao mo sako an kalasag nin saimong kaligtasan; sinurog ako kan too mong kamot, asin pinangagin dakula kan saimong tabang.

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Salmo 28:8

An Kagurangnan kosog nin saiyang banwaan, ligtas na pailihan kan saiyang linahidan.

Salmo 41:11

Huli kaini, aram kong nawiwili ka sako, kun an mga kaiwal ko dai manggana sako.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 58:9

Kun mamibi kamo, sisimbagon ko kamo. Kun mag-apod kamo sako, masimbag ako. “Kun ontokon nindo an pang-api, an pagmenos sa kapwa, asin an pagtaram nin maraot na tataramon;

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Mikas 4:5

An lambang nasyon nagsasamba saka nagkukuyog kan sadiri nindang dios, alagad sasambahon asin kukuyogon mi an Kagurangnan na samong Dios sagkod lamang.

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

Mga Gibo 2:36

“Dapat maaraman kan gabos na taga Israel na ining Jesus na ipinako nindo sa krus ginibo nin Dios na Kagurangnan asin Cristo!”

Mga Gibo 4:10

dapat maaraman nindo gabos, asin kan gabos na taga Israel, na an lalaking ini na nakatindog sa atubangan nindo, narahay huli sa kapangyarihan kan ngaran ni Jesu-Cristo na taga Nazaret, na ipinako nindo sa krus alagad binuhay liwat nin Dios.

Mga Gibo 5:31

Ilinangkaw siya nin Dios sa too niyang kamot bilang Lider asin Paraligtas, tanganing tawan an mga Israelita nin panahon na makapagbakle asin mapatawad an saindang mga kasalan.