Salmo 20:4 - Marahay na Bareta Biblia

⁴ Itao niya logod saimo an minamawot kan saimong puso, asin otobon an gabos mong plano.

Salmo 20:4 ပူးပေါင်းရင်းမြစ်များ

2 Samuel 24:23

Itinao ini gabos ni Arauna sa hade asin nagsabi, “Akoon logod nin Kagurangnan na saimong Dios an saimong dolot.”

2 Mga Cronica 9:12

Itinao ni Hadeng Solomon sa reyna nin Sheba an gabos na hinagad kaini, laen pa kan itinao niya digding mga regalo bilang karibay kan mga dinara saiya. Dangan nagbalik an reyna sa sadiri niyang daga, kaiba an saiyang mga sorogoon.

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 21:2

Itinao mo saiya an kamawotan nin saiyang puso; dai mo sinayumahan an kahagadan nin saiyang ngoso.

Salmo 37:4

Hanapa an saimong kaogmahan sa Kagurangnan, asin itatao niya saimo an minamawot nin saimong puso.

Mga Talinhaga 11:23

An kamawotan kan matanos minatapos sa karahayan; an paglaom kan maraot minatapos sa kaanggotan.

Mateo 21:22

Kun kamo magtubod, makakamtan nindo an anoman na hagadon nindo sa pamibi.”

Juan 11:42

Aram ko na danay mo akong dinadangog, alagad sinasabi ko ini dahel sa mga tawong uya digdi nganing magtubod sinda na sinugo mo ako.”

Juan 16:23

“Pag-abot kan aldaw na iyan, mayo na kamo nin hahagadon sako. Sa katotoohan sinasabihan ko kamo, an anoman na hagadon nindo sa Ama sa ngaran ko, itatao saindo.

Hukom 13:23

Alagad nagsimbag an babae, “Kun boot kitang gadanon nin Kagurangnan, dai na niya kuta inako an satong mga dolot; dai na niya kuta ini ipinahiling sato asin dai na niya kuta itinaram an mga bagay na ini.”

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.