Salmo 2:9 - Marahay na Bareta Biblia

⁹ Babarion mo sinda sa paagi nin sarong sugkod na lansang; roronoton mo sinda siring sa sarong koron.”

Salmo 2:9 ပူးပေါင်းရင်းမြစ်များ

Salmo 89:23

Roronoton ko an saiyang mga kaiwal, asin gagadanon an gabos na naoongis saiya.

Isaias 30:14

Mapapasa kamo arog sa sarong koron saka magkakaroronot, kaya mayo nin makukuang dakulang pedaso na magagamit sa pagkua nin baga, o sa pagsadok nin tubig hale sa tapayan.”

Isaias 60:12

Alagad rurumpagon an mga nasyon na dai naglilingkod saimo.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 19:11

asin sabihan sinda na nagtaram an Kagurangnan nin mga hukbo, “Papasaon ko an mga tawo saka an syudad na ini, asin makakaarog sinda sa pasang tapayan na ini na dai na mabibilog giraray. An mga gadan ilulubong maski sa Tofet huli ta mayo na nin ibang lugar na pwedeng paglubongan sinda.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 2:45

Nahiling mo kun paanong nagpoon magligid an sarong gapo hale sa ampas maski mayo nin siisay man na nagduta kaiyan, asin kun paano tinamaan kaiyan an estatwa na gibo sa lansang, bronse, laboy, plata, saka bulawan. Mahal na Hade, sinasabihan ka kan dakulang Dios kun ano an mangyayari sa maabot na panahon. Sinasabihan taka kan bilog mong pangatorogan, asin itinao ko saimo an totoong kahulogan kaiyan.”

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mateo 21:44

An siisay man na mahulog sa gapong ini magkakabaraak; an siisay man na mahulogan kan gapo, maroronot siring sa alpog.”)

Kapahayagan 12:5

An babae nangaki nin lalaki na iyo an maghahade sa gabos na nasyon na may kapot na pamakol na lansang. Alagad inagaw an aki dangan dinara sa Dios asin sa saiyang trono.

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.