Salmo 2:7 - Marahay na Bareta Biblia

⁷ Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

Salmo 2:7 ပူးပေါင်းရင်းမြစ်များ

2 Samuel 7:14

Ako an saiyang magigin ama; siya an magigin aki kong lalaki. Kun magkasala siya, papadusahan ko siya siring kan pagpadusa nin sarong ama sa saiyang aki.

An Libro ni Job 23:13

“Alagad dai siya nagbabago. Siisay an makakatumang saiya? An saiyang mawoton, iyan ginigibo niya.

Salmo 148:6

Nagboot siya na mamugtak sinda sa saindang mga lugar sagkod pa man, asin dai ninda pwedeng lapason iyan.

Salmo 89:27

Gigibohon ko siyang aki kong matua, an pinakahalangkaw sa mga hade kan daga.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Mateo 16:16

Nagsimbag si Simon Pedro, “Ika an Cristo, an Aki nin Dios na buhay.”

Mateo 17:5

Nagtataram pa siya kan lindongan sinda nin maliwanag na panganoron. Dangan sarong tingog hale sa panganoron an nagsabi, “Ini an Aki kong namomotan na ikinakaogma kong gayo—dangoga nindo siya!”

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 3:16

Huli ta namoot na gayo an Dios sa kinaban kaya itinao niya an saiyang bugtong na Aki, tanganing an siisay man na magtubod saiya dai magadan kundi magkamit nin buhay na daing kataposan.

Mga Gibo 8:36

Nagpadagos sinda sa pagbyahe; pag-abot sa sarong lugar na may tubig, nagsabi an eunuko, “May tubig digdi; ano pa an nakakaolang na mabunyagan ako?” [

Roma 1:4

asin ipinahayag siya bilang Aki nin Dios sa kapangyarihan kan Espiritu nin kabanalan, huli kan saiyang pagkabuhay liwat sa mga gadan.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Hebreyo 5:5

Siring man dai pinili ni Cristo an sadiri niya na magin halangkaw na padi, kundi an Dios an nagpili saiya, kan sabihan siya, “Ika an sakuyang Aki, ngunyan na aldaw nagin Ama mo ako.”

Hebreyo 5:8

Maski Aki siya nin Dios nakanood siyang magin makinuyog-kuyog sa paagi kan saiyang mga pagtios.