Salmo 2:12 - Marahay na Bareta Biblia

¹² magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Salmo 2:12 ပူးပေါင်းရင်းမြစ်များ

Genesis 41:40

Ika an sakong ibubugtak na parapamahala kan bilog na daga. An saimong pagboot ootobon kan gabos kong nasasakopan. Magigin ikaduwa ka sako sa kapangyarihan.

1 Mga Hade 19:18

Alagad matada ako nin pitong ribo katawo sa Israel—an mga dai nagluhod ki Baal saka dai naghadok saiya.”

Salmo 1:6

huli ta aram nin Kagurangnan an dalan kan mga matanos, alagad an dalan kan mga maraot mapapahamak.

Salmo 109:20

Kagurangnan, arog logod kaiyan an saimong padusa sa mga kaiwal ko; sa mga nagtataram nin maraot tumang sako!

Salmo 2:5

Dangan sa kaanggotan, sinda saiyang pinatanidan, asin pinatakot sinda sa saiyang labi-labing kaanggotan.

Salmo 2:7

Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

Salmo 31:20

Sa hilom mong lugar, itinatago mo sinda sa mga huma nin mga tawo. Dinadara mo sinda sa ligtas na lugar, harayo sa mararang dila kan mga kaiwal.

Salmo 34:8

Aramon nindo kun gurano karahay an Kagurangnan. Paladan an nagpapaili sa saiya.

Salmo 34:9

Matakot kamo sa Kagurangnan, kamo gabos na banal, huli ta an mga natatakot saiya igwa kan gabos nindang kaipuhan.

Salmo 40:4

Paladan an tawo na nagsasarig sa Kagurangnan, na dai minaapil sa mapaabaw-abaw, sa mga nagsasamba sa mga dios-dios.

Salmo 84:12

Kagurangnan, Dios nin mga hukbo, paladan an tawo na minasarig saimo!

Mga Talinhaga 16:20

An naghihinanyog sa katukdoan magigin mauswag; paladan an tawong nagsasarig sa Kagurangnan.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Jeremias 17:7

“Alagad bebendisyonan ko an tawo na minasarig sako.

Oseas 13:2

Padagos sinda sa pagkasala huli sa paggibo nin mga metal na ladawan na pagsasambahon—mga dios-dios na plata, na minukna kan isip nin tawo, na ginibo kan mga kamot nin tawo. Dangan minasabi sinda, “Pagdolot kamo nin mga sakripisyo sa sainda!” Paanong nakakahadok an tawo sa mga dios-dios—mga dios-dios na pormang torong baka!

Sofonias 2:2

bago kamo maalang saka magadan siring sa sarong burak, bago mag-abot saindo an naglalaad na kaanggotan nin Kagurangnan, bago mag-abot saindo an aldaw nin pagpahiling niya kan saiyang kaanggotan.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Roma 10:11

Nagsasabi an kasuratan, “Mayo nin siisay man na nagtutubod saiya na mapapasopog.”

Roma 9:33

na nasasambit sa kasuratan, “Hilinga, nagbugtak ako sa Sion nin sarong gapo na masisingkogan nin mga tawo, sarong gapo na makakapatumba sainda. Alagad an siisay man na magtubod saiya, dai mapapasopog.”

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

1 Pedro 1:21

Huli saiya nagtutubod kamo sa Dios, na iyo an nagbuhay liwat saiya asin nagtao saiya nin kamurawayan, tanganing magtubod kamo saka maglaom sa Dios.

1 Pedro 2:6

Huli ta nasasabi sa kasuratan, “Pinili ko an sarong mahalagang gapo na ibinubugtak ko ngunyan sa Sion bilang gapong patugmadan; an siisay man na minatubod saiya dai nanggad mapapasopog.”

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan: