Salmo 2:10 - Marahay na Bareta Biblia

¹⁰ Kaya, mga hade, hinanyoga nindo an patanid na ini; kamong mga pamayo nin kinaban, horophoropa an katukdoan na ini:

Salmo 2:10 ပူးပေါင်းရင်းမြစ်များ

Salmo 45:12

Mga taga Tiro madara saimo nin mga regalo; mga tawong mayaman magmamawot na mawilihan mo.

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Isaias 60:3

An mga nasyon madadagka kan saimong liwanag, asin an mga hade madadagka kan nagbabanaag na bago mong aldaw.

Jeremias 6:8

Mga taga Jerusalem, magin patanid logod saindo an mga kasakitan na ini. Huli ta kun dai kamo maghinanyog, papabayaan ko kamo. Gigibohon kong sarong desyerto an saindong syudad, sarong lugar na mayo nin nag-eerok.”

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Zacarias 14:17

An arin man na nasyon na dai magduman asin dai magsamba sa Hade, an Kagurangnan nin mga hukbo, dai tatawan nin uran.