Salmo 19:7 - Marahay na Bareta Biblia

⁷ An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Salmo 19:7 ပူးပေါင်းရင်းမြစ်များ

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

An Libro ni Job 23:12

Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

Salmo 111:7

Maimbod asin matanos siya sa gabos niyang gibo; an gabos niyang pagboot masasarigan,

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 119:130

An paliwanag kan saimong mga tataramon minatao nin liwanag; nagdadara iyan nin kadonongan sa mga mangmang.

Salmo 119:14

Ikinakaogma kong kuyogon an saimong mga kabotan, orog pa ki sa gabos na yaman.

Salmo 119:152

Haloy ko nang naaraman sa saimong katukdoan na iyan pinapadanay mo sagkod lamang.

Salmo 119:24

Kaogmahan ko an saimong mga katukdoan; sinda an sakong mga parahatol.

Salmo 119:72

Orog na mahalaga sa sako an itinao mong katogonan ki kan gabos na kwarta sa kinaban.

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Salmo 18:30

An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

Salmo 23:3

Giraray pinapakosog niya an sakong kalag. Pinapangenotan niya ako sa mga dalan nin katanosan, huli sa saiyang ngaran.

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Isaias 8:16

Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Mga Gibo 10:43

An gabos na propeta nagpatotoo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Roma 15:4

An gabos na nasa mga Kasuratan, isinurat nganing tukdoan kitang magkaigwa nin paglaom sa paagi nin pakatagal saka karangahan na itinatao sato kan mga Kasuratan.

Roma 3:2

Kadakul! Enot, sa mga Judio ipinaniwala nin Dios an saiyang mensahe.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

2 Timoteo 1:8

Kaya dai ka masopog na magpatotoo para sa satong Kagurangnan; dai mo man ako ikasopog, ako na nabibilanggo para saiya. Kundi akoon mo an saimong kabtang sa mga kasakitan dahel kan Marahay na Bareta, sa tabang kan kapangyarihan nin Dios.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Josue 1:8

Dai mo paglingawan na basahon an libro kan katogonan sa saimong pagsamba. Horophoropon mo iyan aldaw-banggi, saka kuyogon mo nanggad an mga nakasurat diyan. Dangan magigin mauswag ka asin paladan.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.