Salmo 18:8 - Marahay na Bareta Biblia

⁸ Aso nagluwas hale sa saiyang dungo, nanghahalon na kalayo saka naglalaad na baga hale sa saiyang ngoso.

Salmo 18:8 ပူးပေါင်းရင်းမြစ်များ

Genesis 19:28

Nagdungaw siya sa Sodoma saka sa Gomorra patin sa bilog na kapantayan asin nahiling niya an aso na nag-iitaas hale sa daga, siring sa aso na gikan sa sarong dakulang horno.

An Libro ni Job 41:19

Hale sa saiyang ngoso nagluluwas an kalayo, asin naglulukso an mga silyab nin kalayo.

Salmo 104:32

Hinihiling niya an daga, asin ini tinatakigan; dinudutaan niya an mga bukid, asin ini minaaso.

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Salmo 21:9

Gigibohon niya sindang arog sa naglalaad na horno sa pag-abot niya. Hahalonon sinda nin Kagurangnan sa saiyang kaanggotan asin kalayo an matunaw sainda.

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 74:1

O Dios, tadaw ta isinisikwal mo kami sagkod lamang? Tano ta anggot ka sa mga karnero na saimong ataman?

Isaias 24:18

An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Levitico 10:2

Kaya biglang nagpadara nin kalayo an Kagurangnan asin sinulo sindang duwa sagkod na magadan.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

Kapahayagan 11:5

Kun may magkulog sainda, maluwas an kalayo sa saindang ngoso na matomtom sa saindang mga kaiwal; sa paaging ini, an siisay man na magkulog sainda, magagadan.