Salmo 17:7 - Marahay na Bareta Biblia

⁷ Ipahiling mo an danay mong pagkamoot, O paraligtas sa mga kaiwal kan mga nagpapaili sa too mong kamot.

Salmo 17:7 ပူးပေါင်းရင်းမြစ်များ

2 Mga Hade 19:22

Siisay sa paghona mo an saimong pinagtutuyatuya asin pinag-oolog-olog? Ako, an banal na Dios nin Israel, dai mo ginalangan.

2 Mga Hade 19:34

Susurogon ko an syudad na ini asin iingatan, huli sa sadiri kong kaomawan asin huli sa panuga na ginibo ko ki David na sakong sorogoon.’”

2 Mga Cronica 16:9

Binabantayan nin marahay nin Kagurangnan an bilog na daga tanganing pakosogon an mga tawong an puso maimbod saiya. Kalolongan an ginibo mo, kaya poon ngunyan magkakaigwa ka nin mga gera.”

Salmo 20:6

Ngunyan aram kong tatabangan nin Kagurangnan an saiyang linahidan; sisimbagon niya siya hale sa saiyang banal na langit; tatawan nin dakul na kapangganahan huli kan saiyang toong kamot.

Salmo 31:21

Pag-omawon an Kagurangnan! Makangangalas na ipinahiling niya sako an danay niyang pagkamoot, kan ako sinalakay siring sa syudad na napapalibotan.

Salmo 31:22

Nagsaboot ako sa kahandalan, “Napapaharayo ako sa saiyang atubang.” Alagad dinangog niya an sakong inagrangay, kan ako maghagad saiya nin tabang.

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 60:5

Huli kan saimong kosog, kami saimong ligtasan; simbaga an samong pamibi, tanganing makaligtas an banwaan na saimong namomotan.

Salmo 78:12

Sa atubang kan saindang mga ginikanan, ginibo nin Dios an saiyang mga ngangalasan sa Egipto, sa kapatagan nin Zoan.

Exodo 15:6

“An too mong kamot, O Kagurangnan, makangingirhat sa kosog; an mga kaiwal rinoronot kan too mong kamot.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Mga Gibo 2:33

Initaas siya sa too nin Dios; inako niya sa Ama an Espiritu Santo na ipinanuga saiya. Hale saiya ini gabos na nahihiling saka nadadangog nindo ngunyan.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!