Salmo 17:5 - Marahay na Bareta Biblia

⁵ Danay akong naglakaw sa saimong mga dalan, an sakong mga bitis dai lamang nasala.

Salmo 17:5 ပူးပေါင်းရင်းမြစ်များ

An Libro ni Job 23:11

Maimbod kong sinunod an saiyang mga dalan; dai ako naglagalag sa ibang agihan.

Salmo 119:133

Siring sa saimong panuga, likayan ako sa pagkapadungkal; hare ako pagpadaogan sa karatan.

Salmo 121:3

Dai ka niya papabayaan na mahulog; an parabantay mo dai makatorog.

Salmo 121:7

Ililikay ka nin Kagurangnan sa gabos na pag-alaman; aatamanon niya an saimong buhay.

Salmo 18:36

Tinawan mo ako nin mahiwas na lugar na lalakawan, asin an sakong mga bitis dai nadalinas.

Salmo 18:37

Linamag asin inabot ko an sakong mga kaiwal; dai ako nag-ontok sagkod na sinda nagkagaradan.

Salmo 38:16

Ako namimibi, “Hare pagtugot na mag-ogma an sakong mga kaiwal, asin maghambog sa sakong pagkapadungkal!”

Salmo 44:18

Dai man nagtalikod saimo an samong puso; dai man kami naglihis sa saimong dalan.

Salmo 94:18

Kan magsaboot ako, “Nahuhulog ako,” an saimong danay na pagkamoot, Kagurangnan, an nagpugol sako.

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

1 Samuel 2:9

“Binabantayan niya an mga maimbod saiya, alagad an mga maraot nawawara sa kadikloman; huli ta bakong sa sadiring kosog nanggagana an sarong linalang.