Salmo 17:3 - Marahay na Bareta Biblia

³ Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 17:3 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

An Libro ni Job 24:14

Pagkaaga, minabangon an paragadan tanganing gadanon an dukha saka mayong sukat; pagkabanggi, nakakaagid siya sa sarong mahabon.

Salmo 11:5

Binabalo nin Kagurangnan an matanos asin an maraot; anggot siya sa mga namomoot sa dahas.

Salmo 119:106

Ootobon ko an sakong banal na panuga na kukuyogon an saimong matanos na mga katukdoan.

Salmo 139:1

Kagurangnan, ako siniyasat mo asin namidbid mo.

Salmo 139:23

Siyasata ako, O Dios, asin midbida an sakong puso; baloa ako asin midbida an mga kaisipan ko.

Salmo 16:7

Oomawon ko an Kagurangnan na naghuhulit sako, asin sa banggi tinutukdoan ako kan sakong puso.

Salmo 26:2

Siyasaton mo ako, Kagurangnan, asin baloa; an sakuyang puso saka isip hilinga.

Salmo 39:1

Ako nagsabi, “Mamaanan ko an sakong mga gawe, tanganing dai magkasala an sakuyang dila. Pupugolon ko an sakuyang ngoso, mantang an mga maraot nasa atubang ko.”

Salmo 66:10

Kami saimong binabalo, O Dios; siring na sa kalayo an plata binabalo, siring man an ginigibo mo samo.

Salmo 7:4

kun an sakong katood binalsan ko nin karatan, kun kinulgan ko an kaiwal na mayo man nin dahelan;

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Oseas 7:6

Iyo, nagkalayo sinda siring sa horno huli kan saindang mga maraot na plano. Bilog na bangging nag-iinit an saindang kaanggotan, asin pagkaaga, nagkakalayo iyan.

Mikas 2:1

Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Malakias 3:2

Alagad siisay an makakatagal kun mag-abot na an aldaw na iyan? Siisay an mabubuhay kun magpahiling na siya? Huli ta makakaagid siya sa makosog na sabon, arog sa kalayo na naglilinig sa metal.

Mga Gibo 11:23

Pag-abot ni Bernabe duman, naogma siya nin marahay kan mahiling niya na kanigoan an bendisyon na itinao nin Dios sa mga tawo. Sinadol niya sinda gabos na magdanay na maimbod sa Kagurangnan.

Mga Gibo 16:9

Kan bangging idto, nagkaigwa nin bisyon si Pablo. Nahiling niya an sarong tawong taga Macedonia na nakatindog saka nakikimaherak saiya, “Dumigdi ka sa Macedonia asin tabangan mo kami!”

1 Corinto 4:4

Malinig an sakong konsyensya, alagad iyan dai nagpapatotoo na mayo ako nin kasalan. An Kagurangnan an naghuhukom sako.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

Santiago 3:2

Kita gabos nakakaginibo nin mga sala. An tawong dai nasasala sa saiyang pagtaram sarong tawong perpekto; nakakapugol man siya kan saiyang bilog na pagkatawo.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

1 Samuel 24:10

Nahiling mo ngunyan na aldaw kun paano ka itinao sako nin Kagurangnan sa laog kan lungib. Sinabihan ako kan nagkapira kong tawohan na gadanon ka, alagad dai taka ginadan, kundi nagsabi akong, ‘Dai ko gagadanon an sakong kagurangnan, huli ta siya an linahidan nin Kagurangnan.’

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 26:11

Dai logod itugot nin Kagurangnan na ako an magbikyaw kan sakong kamot tanganing gadanon an saiyang linahidan! Alagad kuaha an saiyang garod saka an dulay, asin maghale na kita.”

1 Samuel 26:23

Binabalosan nin Kagurangnan idtong mga maimbod asin matanos. Itinao ka nin Kagurangnan sa sakong kamot ngunyan na aldaw, alagad dai ko ginadan an linahidan nin Kagurangnan.