Salmo 17:1 - Marahay na Bareta Biblia

¹ Hinanyoga, Kagurangnan, an sakong pakimaherak para sa katanosan; himatea an sakuyang inagrangay! Dangoga an sakong pamibi, na gikan sa ngoso na mayo nin daya.

Salmo 17:1 ပူးပေါင်းရင်းမြစ်များ

2 Samuel 22:24

Ako nagin matanos sa saiyang atubang, asin linikayan ko an gabos na kasalan.

2 Mga Cronica 7:15

Babantayan ko an Templong ini asin dadangogon ko an gabos na pamibi na gigibohon digdi,

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

An Libro ni Job 16:17

alagad dai ako nagkasala nin anoman na kadahasan, asin mayong pagsagin-sagin an sakong pamibi.

Salmo 102:2

Hare pagtagoa sako an saimong lalawogon, sa mga aldaw nin sakong kasakitan! Himatea ako; simbaga tolos sa aldaw na ako mag-apod.

Salmo 140:12

Kagurangnan, aram kong tinatabangan mo an mga nasasakitan; asin an mga daing sukat tinatawan mo nin katanosan.

Salmo 142:1

Minaagrangay ako sa Kagurangnan, nakikimaherak ako saiya tanganing tabangan.

Salmo 142:6

Dangoga an sakong inagrangay, huli ta ako nasa kairaroman nin kasakitan. Ligtasan ako sa mga nagpapasakit sako, huli ta orog na makosog sinda sako.

Salmo 143:1

Hinanyoga an sakong pamibi, Kagurangnan; dangoga an sakong pakimaherak! Simbaga ako huli kan saimong pagkamaimbod asin pagkamatanos.

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 18:20

Binalosan ako nin Kagurangnan sosog sa sakuyang katanosan; benendisyonan niya ako huli ta mayo ako nin kasalan.

Salmo 18:44

Mga dayuhan nagduruko sa atubangan ko; kan madangog ninda ako, nagkuyog sinda sako.

Salmo 43:1

Tawe ako nin katanosan, O Dios, asin suroga ako tumang sa mga maraot; ligtasan ako sa mga tawong madaya asin bakong matanos!

Salmo 5:2

Dangoga an paghagad ko nin tabang, sakuyang Hade asin sakuyang Dios. Namimibi ako saimo, Kagurangnan;

Salmo 54:4

Alagad an Dios iyo an sakuyang tabang; sakong parasurog an Kagurangnan.

Salmo 55:18

Ililigtas niya ako sa sakong mga pakilaban, huli ta dakul an sakong mga kaiwal.

Salmo 61:1

O Dios, an sakong inagrangay dangoga, an sakong pamibi himatea.

Salmo 61:2

Ako minaapod saimo hale sa poro kan daga, kan an sakong puso pinanluluya. Sa sarong ligtas na lugar daraha ako,

Salmo 66:19

Alagad totoong an Dios naghinanyog, pamibi ko saiyang dinangog.

Salmo 7:8

Hinuhukoman nin Kagurangnan an mga banwaan; hukoman mo ako, Kagurangnan, sosog sa sakong katanosan; aram mo na ako mayo nin kasalan.

Salmo 84:9

Bendisyonan mo an samong hade, O Dios; an hade na saimong pinili.

Salmo 86:1

Hinanyoga ako, Kagurangnan, asin simbaga, huli ta ako mayong sukat asin dukha.

Salmo 86:6

Hinanyoga, Kagurangnan, an sakong pamibi; himatea an tingog nin sakong pakimaherak.

Salmo 88:3

Huli ta an sakong kalag pano nin kasakitan; an sakong buhay harani na sa kagadanan.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Mateo 15:8

‘Inoomaw ako kan mga tawong ini kan saindang ngoso, alagad harayo sako an saindang mga puso.

Juan 1:47

Nahiling ni Jesus si Natanael na nagdadangadang, asin nagsabi siya, “Uya an tunay na Israelita na mayo nin pagsagin-sagin!”

1 Juan 3:21

Kaya, mga tugang, kun dai kita hinahatolan kan satong puso, makosog an satong boot sa atubang nin Dios.