Salmo 16:7 - Marahay na Bareta Biblia

⁷ Oomawon ko an Kagurangnan na naghuhulit sako, asin sa banggi tinutukdoan ako kan sakong puso.

Salmo 16:7 ပူးပေါင်းရင်းမြစ်များ

Salmo 119:148

Magdamlag akong dai nagkakatorog, tanganing mahorophorop an saimong mga katukdoan.

Salmo 119:55

Sa banggi, naroromdoman ko an saimong ngaran, Kagurangnan, asin inootob ko an saimong katogonan.

Salmo 119:7

Oomawon taka na may malinig na puso, mantang inaadalan ko an matanos mong paghukom.

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 22:2

Dios ko, kun aldaw ika sakong inaapod, alagad dai ka nagsisimbag; kun banggi ika man sakong inaapodan, alagad mayong nakukuang katoninongan.

Salmo 42:8

Kun aldaw ipinapahiling nin Kagurangnan an danay niyang pagkamoot; dangan kun banggi yaon sako an saiyang awit, sarong pamibi sa Dios nin sakuyang buhay.

Salmo 63:6

Mantang naghihigda ako, nagigiromdoman taka; bilog na banggi ika sana an sakong iniisip,

Salmo 73:21

Kan nasa kapaitan an sakuyang kalag, kan nakulogan an sakuyang puso,

Salmo 73:24

Pinapangenotan mo ako huli kan saimong mga hatol, asin ngapit aakoon mo ako sa kamurawayan.

Salmo 77:2

Sa aldaw nin sakong kasakitan hinahanap ko an Kagurangnan; magdamlag na iniitaas ko an sakong mga kamot sa pagpamibi, alagad daing nakukuang karangahan an sakong kalag.

Salmo 77:6

Bilog na banggi hinohorophorop ko sa sakong puso, iniisip-isip ko asin hinahapot an sadiri:

Mga Talinhaga 8:14

Minaplano ako saka ginigibo ko iyan. Igwa ako nin pakasabot asin kosog.

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Isaias 50:4

Tinukdoan ako nin Kagurangnan Dios kan sakong sasabihon, tanganing mapakosog ko an napapagal. Aga-aga, pinupukaw niya ako tanganing magdangog kan itutukdo niya.

Jeremias 12:2

Itinatanom mo sinda, dangan minagamot sinda, nagtatalubo saka nagbubunga. Magagayon an sinasabi ninda manongod saimo, alagad mayo sinda nin pagmakulog saimo.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Lukas 6:12

Kan aldaw na iyan, nagtukad si Jesus sa sarong bulod, nganing mamibi; bilog na banggi siyang namibi sa Dios.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.