Salmo 16:4 - Marahay na Bareta Biblia

⁴ An mga nagpili nin ibang dios nagdadara nin dakul na kasakitan sa sainda man sana. Dai ako maiba sa saindang mga pagsakripisyo; dai ako masamba sa saindang mga dios.

Salmo 16:4 ပူးပေါင်းရင်းမြစ်များ

Genesis 35:14

Sa lugar na idto, saen nagtaram saiya an Dios, nagpatindog si Jacob nin hariging giromdoman na an ibabaw inulaan niya nin arak saka lana nin oliba.

Salmo 32:10

Kadakul an titioson kan mga maraot, alagad an danay na pagkamoot nakapalibot sa mga tawong nagsasarig sa Kagurangnan.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Exodo 23:13

“Dangoga nindo an gabos kong itinaram. Dai kamo mamibi sa ibang mga dios; maski an saindang ngaran dai nanggad nindo pagsambiton.

Isaias 57:6

Minakua kamo nin malinig na mga gapo dangan sinasamba nindo an mga iyan bilang mga dios. Minaula kamo nin arak bilang dolot sainda saka minadara man kamo sainda nin mga dolot na pagkakan. Sa paghona nindo, naoogma ako sa mga ginigibo nindong iyan?

Isaias 65:11

“Alagad laen man an para saindo na nagbabaya sako, na dai nagmimidbid sa Sion, an sakong banal na bulod, asin nagsasamba ki Gad saka ki Meni, an mga dios-dios kan swerte asin palad nin tawo.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Levitico 23:13

Madara man kamo nin duwang kilong arina na sinalakan nin lana nin oliba bilang sarong dolot na pagkakan. An parong kan dolot na iyan nawiwilihan nin Kagurangnan. Iibahan nindo iyan nin dolot na sarong litrong arak.

Jonas 2:8

An mga nagsasamba sa mayong halagang mga ladawan dai nagin tunay na maimbod saimo.

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.