Salmo 16:3 - Marahay na Bareta Biblia

³ Gurano karahay an mga maimbod sa Kagurangnan! Dakula kong kaogmahan na sinda makaibahan.

Salmo 16:3 ပူးပေါင်းရင်းမြစ်များ

2 Mga Cronica 6:41

“Tumindog ka, O Kagurangnan Dios, asin kaiba an Kaban nin Tipan, an tanda kan saimong kapangyarihan, lumaog ka sa Templo dangan mag-erok ka digdi sagkod lamang. Magubingan logod nin kaligtasan, Kagurangnan, an saimong kapadian, asin mag-ogma logod an mga banal sa saimong karahayan.

Salmo 101:6

Nawiwilihan ko an mga maimbod sa Dios; tutugotan ko sindang mag-erok sa sakuyang harong. An naglalakaw sa dalan nin kabanalan tutugotan kong maglingkod sako.

Salmo 116:15

Makulog para sa Kagurangnan kun nagagadan an saro kan saiyang mga banal!

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 122:8

Huli sa mga tugang ko asin mga kairiba, ako minasabi sa Jerusalem, “An katoninongan mapasaimo!”

Salmo 30:4

Mag-awit nin mga pag-omaw sa Kagurangnan, kamo gabos na banal, asin magpasalamat kamo sa banal niyang ngaran.

Mga Talinhaga 12:26

An matanos na tawo iyo an giya kan saiyang katood, alagad an dalan kan maraot minapasiring sa pagkalagalag.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 8:31

nag-oogma sa saiyang kinaban, asin nawiwili sa katawohan.

Awit nin mga Awit 7:10

Sadiri ako kan sakong namomotan, asin ako an saiyang minamawot.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Malakias 3:17

“Sinda an sakong magigin banwaan,” an sabi kan Kagurangnan nin mga hukbo. “Sa aldaw na humiro ako, masasadirihan ko sinda. Maheherak ako sainda siring na an sarong ama naheherak sa saiyang aking lalaki na naglilingkod saiya.

Mga Gibo 9:13

Alagad nagsimbag si Ananias, “Kagurangnan, dakul an nag-osip sako dapit sa tawong ini, asin dapit sa mga makangingirhat na ginibo niya sa saimong mga banal sa Jerusalem.

Galacia 6:10

Kaya sa lambang oportunidad na itao sato, maggibo kita nin marahay sa gabos, orog nang gayo sa kapwa nyato paratubod.

Efeso 1:1

Surat na hale ki Pablo na nagin apostol ni Cristo Jesus huli sa kabotan nin Dios. Para sa mga banal na nag-eerok sa Efeso, na maimbod ki Cristo Jesus:

Tito 3:8

An kasabihan na ini totoo. Boot kong itukdo mo nin marahay an mga bagay na ini, tanganing an mga nagtutubod sa Dios maghingowang maggibo nin marahay; ini orog karahay asin mapapakinabangan kan mga tawo.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.