Salmo 16:1 - Marahay na Bareta Biblia

¹ Ampona ako, O Dios; sa saimo ako minapaili.

Salmo 16:1 ပူးပေါင်းရင်းမြစ်များ

Salmo 116:6

Iniingatan nin Kagurangnan an mga mayong sukat; kan ako nasa pag-alaman, ako saiyang ilinigtas.

Salmo 125:1

An mga nananarig sa Kagurangnan nakakabaing sa Bukid nin Sion, na dai nanggad matatanyog, kundi magdadanay sagkod lamang.

Salmo 146:5

Maogma an tawo na an tabang iyo an Dios ni Jacob, na an paglaom yaon sa Kagurangnan na saiyang Dios.

Salmo 17:5

Danay akong naglakaw sa saimong mga dalan, an sakong mga bitis dai lamang nasala.

Salmo 17:8

Ingati ako siring sa alinawnaw kan saimong mata; sa lindong kan saimong mga pakpak ako tagoa;

Salmo 22:8

na an olay, “Nagsarig siya sa Kagurangnan; tadaw ta dai niya siya iliniligtas? Nawiwilihan siya nin Kagurangnan; tadaw ta dai siya tinatabangan?”

Salmo 25:20

Ingati ako asin ligtasan; likayan ako sa kasopogan, huli ta ika an sakong pailihan.

Salmo 31:23

Kamong mga banal, kamotan nindo an Kagurangnan! An mga maimbod saiyang inaataman, alagad pinapadusahan an mapaabaw-abaw.

Salmo 37:28

Namomotan nin Kagurangnan an katanosan; dai niya papabayaan an saiyang mga banal. Aatamanon niya sinda sagkod lamang, alagad papahaleon sa daga an mga aki kan tampalasan.

Salmo 56:1

Maherak ka sako, O Dios, huli ta tinitimaktimakan ako kan mga kaiwal; bilog na aldaw ako saindang inaapi.

Salmo 60:1

O Dios, isinikwal asin rinonot mo kami; naanggot ka—alagad balikan mo kami.

Salmo 7:1

Kagurangnan, sakuyang Dios, suroga ako; tabangi ako sa mga naglalamag sako asin ligtasan ako,

Salmo 7:2

tibaad siring sa sarong leon ronoton ninda ako, guyodon sa harayong lugar na mayong maligtas sako.

Salmo 84:12

Kagurangnan, Dios nin mga hukbo, paladan an tawo na minasarig saimo!

Salmo 9:10

An mga nakakamidbid saimo, Kagurangnan, magsasarig saimo; huli ta dai mo binabayaan an mga naghahanap saimo.

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Mga Talinhaga 2:8

Iniingatan niya an mga tawong marahay an pagtratar sa iba, asin binabantayan niya an mga maimbod saiya.

2 Corinto 1:9

Namatean mi na garo kami hinatolan nin kagadanan. Alagad nangyari ini tanganing manarig kami bako sa sadiri ming kakayahan kundi sa Dios na iyo an nagbubuhay liwat kan mga gadan.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.