Salmo 15:5 - Marahay na Bareta Biblia

⁵ Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 15:5 ပူးပေါင်းရင်းမြစ်များ

Salmo 106:3

Paladan an mga nag-ootob kan saiyang kabotan, an danay na naggigibo nin katanosan.

Salmo 112:6

An matanos na tawo dai masasala; gigiromdomon siya sagkod pa man.

Salmo 16:8

An Kagurangnan namamatean kong danay na harani sako; harani siya, asin mayo nin makakatanyog sako.

Salmo 55:22

Iwalat nindo sa Kagurangnan an saindong mga kasakitan, asin susurogon niya kamo; dai siya matugot na matanyog an mga matanos.

Exodo 22:24

Maaanggot ako asin gagadanon ko kamo sa gera. Mababalo an saindong mga agom asin maiilo an saindong mga aki.

Exodo 22:25

“Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Mga Talinhaga 10:30

Danay na magkakaigwa nin katiwasayan an matanos, alagad dai magdadanay sa daga an maraot.

Mga Talinhaga 12:3

Mayo nin tawo na pinapapusog kan karatan, alagad an marahay na tawo dai nanggad matatanyog.

Mga Talinhaga 15:27

An tawong gutom sa kwarta nagdadara nin problema sa saiyang pamilya, alagad an naoongis sa suhol mabubuhay sa halawig na panahon.

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Ezekiel 18:17

Nagsasayuma siyang maggibo nin maraot asin dai nagpapautang na may patubo. Sinusunod niya an sakong mga togon asin kinukuyog an sakong mga pagboot. Dai siya magagadan huli kan kasalan kan saiyang ama, kundi totoong mabubuhay.

Ezekiel 18:27

Kun an sarong maraot na tawo mag-ontok sa pagkakasala asin maggibo nin matanos saka marahay, iliniligtas niya an saiyang buhay.

Ezekiel 18:8

Dai siya nagpapautang na may patubo. Minasayuma siya sa paggibo nin maraot asin nagtatao siya nin matanos na sentensya sa anoman na kaso.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Mateo 26:15

asin nagsabi, “Pira an ibabayad nindo sako kun itao ko saindo si Jesus?” Asin binayadan ninda siya nin treyntang pedaso nin kwartang plata.

Juan 13:17

Kun nasasabotan na nindo an mga bagay na ini, paladan kamo kun saindong gibohon.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 23:21

“Kun manuga kamo sa Kagurangnan na saindong Dios, kaipuhan otobon nindo iyan. Sisingilon kamo nin Kagurangnan asin magkakasala kamo kun dai nindo otobon iyan.

1 Samuel 12:3

Uya ako ngunyan, sa atubang nin Kagurangnan asin kan hadeng pinili niya. Sabihan nindo ako kun nagkasala ako saindo. Igwa daw akong kinuahan nin baka o asno? Igwa daw akong dinaya o inapi? Nag-ako daw ako nin suhol sa kiisay man? Kun ginibo ko an arin man sa mga bagay na ini, ibabalik ko an halaga kan sakong kinua.”