Salmo 15:4 - Marahay na Bareta Biblia

⁴ Ikinakaongis niya an mga isinisikwal nin Dios, alagad ginagalangan niya an mga may pagkatakot sa Kagurangnan. Inootob niya an saiyang panuga anoman an mangyari.

Salmo 15:4 ပူးပေါင်းရင်းမြစ်များ

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Esther 3:2

An gabos na opisyal na naglilingkod sa hade nagluluhod saka nagtataong galang ki Haman, huli ta ini an pagboot kan hade. Alagad si Mardokeo dai nagluluhod o nagtataong galang ki Haman.

Salmo 101:4

An karatan sa puso magigin harayo sako; dai ako makikilabot sa anoman na maraot.

Salmo 101:6

Nawiwilihan ko an mga maimbod sa Dios; tutugotan ko sindang mag-erok sa sakuyang harong. An naglalakaw sa dalan nin kabanalan tutugotan kong maglingkod sako.

Salmo 119:63

Katood ako kan gabos na natatakot saimo, kan mga nag-ootob kan saimong mga katogonan.

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Mateo 5:33

“Nadangog man nindo na itinukdo sa mga tawo kaidto, ‘Dai mo ipasudya an saimong panuga, kundi otobon mo an sinumpaan mo sa Kagurangnan.’

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Mga Gibo 28:10

Tinawan ninda kami nin dakul na regalo; kan mahale na kami, pinabalonan ninda kami kan samuyang kaipuhan sa pagsakay.

1 Juan 3:14

Aram ta na binayaan ta na an kagadanan asin nakaabot na kita sa buhay, huli ta namomotan ta an satong mga tugang. An siisay man na dai namomoot yaon pa sa kapangyarihan kan kagadanan.

Hukom 11:35

kaya kan mahiling siya ni Jefta, ginisi niya an saiyang gubing sa kamondoan dangan nagsabi, “Aki ko, rinoronot mo an puso ko! Tano ta ika pa an magigin dahelan kan sakong kamondoan? Nanuga ako sa Kagurangnan asin dai ko na pwedeng bawion pa iyan!”