Salmo 15:3 - Marahay na Bareta Biblia

³ asin dai nagbabalobagi. Dai siya naggigibo nin maraot sa saiyang katood, ni nagdadara nin salang bareta dapit sa saiyang kataed.

Salmo 15:3 ပူးပေါင်းရင်းမြစ်များ

Mga Talinhaga 22:10

Palayasa an mahambog, asin mahahale man an diriskutiran, iriwal, sagkod an baransagan.

Mga Talinhaga 25:3

An kaisipan nin sarong hade masakit na marorop, huli ta arog iyan kahalangkaw kan langit asin arog kahararom kan dagat.

Isaias 56:2

Bebendisyonan ko an mga danay na nag-ootob kan Sabbath asin dai nagbabasang-basang kaiyan. Bebendisyonan ko an mga dai naggigibo nin maraot.”

Levitico 19:16

Dai kamo magpalakop nin kaputikan manongod sa kiisay man, asin kun igwa nin tawong ipinaglalaban an saiyang buhay sa hukoman, kaipuhan na magpahayag kamo kun an sasabihon nindo makakatabang saiya. Ako an Kagurangnan.

Mateo 7:12

“Kaya gibohon nindo sa iba an boot nindong gibohon ninda saindo. Ini an kahulogan kan Katogonan ni Moises asin kan mga katukdoan kan mga propeta.

Roma 1:30

mga paralibak, naoongis sa Dios, mga daing ugale, mapalangkaw asin mapaabaw-abaw; mga paratogdas nin karatan, mga sutil sa magurang;

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Roma 13:10

An namomoot sa kapwa, dai magibo nin maraot sa saiyang kapwa. Kaya an pagkamoot iyo an kaotoban kan Katogonan.

Tito 3:2

Sabihan mo sinda na dai magtaram nin maraot, dapit sa kiisay man, maglikay sa iriwal, magin mahuyo asin magpahiling nin marahay na boot sa gabos na tawo.

Santiago 4:11

Mga tugang, dai kamo magpakaraot sa kapwa. An siisay man na magpakaraot o maghukom sa kapwa niya, nagtataram tumang sa Katogonan asin naghuhukom kaiyan. Kun hinuhukoman mo an Katogonan, dai ka nagsusunod kaiyan, kundi ika na an naghuhukom kaiyan.

3 Juan 1:11

Namomotan kong Gayo, dai mo pag-arogon an maraot, kundi arogon mo an marahay. An siisay man na naggigibo nin marahay sadiri nin Dios; an siisay man na naggigibo nin maraot dai nakahiling sa Dios.

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.