Salmo 149:2 - Marahay na Bareta Biblia

² Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 149:2 ပူးပေါင်းရင်းမြစ်များ

An Libro ni Job 35:10

Alagad mayo nin naghahapot, ‘Haen an Dios na sakong Kaglalang, na nagtatao sako nin paglaom sa panahon nin kasakitan,

Salmo 47:6

Mag-awit kamo nin mga pag-omaw sa Dios! Mag-awit kamo nin mga pag-omaw sa satong hade!

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Isaias 43:15

Ako an Kagurangnan, an saindong banal na Dios. Ako an naglalang saimo, Israel, asin ako an saimong hade.”

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Sofonias 3:14

Pag-awit asin pagkurahaw sa kaogmahan, banwaan nin Israel! Pag-ogma sa bilog mong puso, O Jerusalem!

Sofonias 3:15

Inontok nin Kagurangnan an pagpadusa saimo; hinale niya an gabos mong kaiwal. An Kagurangnan, an Hade nin Israel, kaibahan mo; mayo ka na nin dahelan tanganing matakot.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mateo 21:5

“Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”

Lukas 19:38

“Paladan an Hade na minadigdi sa ngaran nin Kagurangnan! Katoninongan sa langit, asin kamurawayan sa kaitaasan!”

Juan 19:15

Alagad nagkurahaw sinda, “Gadanon siya! Gadanon siya! Ipako siya sa krus!” Hinapot sinda ni Pilato, “Boot nindong ipako ko sa krus an saindong hade?” Nagsimbag an mga poon na padi, “Mayo kami nin ibang hade kundi si Cesar!”

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Kapahayagan 19:6

Dangan nakadangog ako nin ribok na garo tingog kan kadakul na tawo, na garo hinagawak nin dakulang busay saka garo makosog na daguldol. Nadangog ko sindang nagtataram, “Pag-omawon an Dios, huli ta naghahade an Kagurangnan, an satong Dios na Makakamhan!

1 Samuel 12:22

Nagsumpa an Kagurangnan na dai niya kamo papabayaan, huli ta pinagmarahay niya na kamo an saiyang magin banwaan.