Salmo 146:7 - Marahay na Bareta Biblia

⁷ minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

Salmo 146:7 ပူးပေါင်းရင်းမြစ်များ

Salmo 10:18

Dadangogon mo an mga inagrangay kan mga naaapi asin mga ilo; susurogon mo sinda sa saimong paghukom, tanganing dai na manakot an mga tawong daganon.

Salmo 103:6

An Kagurangnan minapahiling nin pagbalos asin hustisya para sa gabos na inaapi.

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 136:25

Siya an nagtatao nin kakanon sa gabos na nabubuhay; an saiyang pagkamoot mayo nin kataposan.

Salmo 142:7

Haleon mo ako sa bilanggoan, nganing magpasalamat ako sa saimong ngaran! Papalibotan ako kan mga matanos, huli ta karahayan an ipapahiling mo sako.

Salmo 35:10

Masarabi an sakong mga tolang, “Siisay an makakaarog saimo, Kagurangnan? Iliniligtas mo an mga maluya, sa mga mas makosog sainda; an mga dukha, sa nang-aapi sainda.”

Salmo 68:6

An mga mamondo tinatawan niya nin harong na eerokan; an mga bilanggo pinapangenotan niya paluwas pasiring sa kauswagan; alagad mag-eerok sa alang na daga an mga masombikal.

Salmo 68:7

O Dios, kan pangenotan mo an saimong banwaan, kan naglakaw ka sa kalangtadan,

Salmo 72:4

Surogon logod niya an mga dukha kan banwaan, iligtas an daing sukat asin ronoton an nang-aapi.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Lukas 1:53

Binasog niya nin mga marahay na bagay an mga nagugutom, asin isinubol niya sa kadaihan an mga mayaman.

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

Lukas 9:17

Nagkarakan an gabos sagkod na nagkabarasog. Pakatapos, tinipon kan mga disipulo an mga natada asin doseng basket an napano.

Mga Gibo 16:26

Biglang naglinog nin makosog; nayogyog sagkod an mga pundasyon kan bilanggoan. Nagkaburuksan an mga pintoan asin nagkatarangkas an mga kadena kan gabos na bilanggo.

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,